04-10-2019 19:56

ზურაბ აბაშიძე - ისეთ გზავნილებს ვიღებთ ლავროვისგან და პესკოვისგან, როგორც ჩანს, ფრენების აღდგენაზე რუსეთში ფიქრობენ და მუშაობენ კიდეც

ზურაბ აბაშიძე - ისეთ გზავნილებს ვიღებთ ლავროვისგან და პესკოვისგან, როგორც ჩანს, ფრენების აღდგენაზე რუსეთში ფიქრობენ და მუშაობენ კიდეც

ისეთ გზავნილებს ვიღებთ ლავროვისგან და პესკოვისგან, ფრენების აღდგენაზე რუსეთში ფიქრობენ და მუშაობენ კიდეც, – ამის შესახებ რუსეთთან ურთიერთობის საკითხებში საქართველოს პრემიერ-მინისტრის სპეციალურმა წარმომადგენელმა, ზურაბ აბაშიძემ საქართველოს პირველ არხს განუცხადა.

აბაშიძემ აღნიშნა, რომ 26 სექტემბერს გაერო-ს შტაბბინაში საქართველოს და რუსეთის საგარეო საქმეთა მინისტრების შეხვედრამდე ლავროვმა გააკეთა განცხადება იმის თაობაზე, რომ მიესალმებოდა საქართველოსა და რუსეთს შორის რეგულარული ავიარეისების აღდგენას.

„ასეთი კომენტარი მან 27 სექტემბერსაც გააკეთა. ამის შემდეგ, საქართველოს პრემიერ-მინისტრმა აღნიშნა, რომ ქართული მხარე მიესალმება ასეთ მიდგომას. ანალოგიური კომენტარები გააკეთეს ჩვენი მთავრობის წევრებმაც. საქართველო დაინტერესებული ორმხრივ ურთიერთობებში არსებული ურთულესი პრობლემების მოგვარებით, დიალოგის გზით. უნდა მოხდეს ამ ურთიერთობებში არსებული დაძაბულობის დეესკალაცია. რა თქმა უნდა, საერთაშორისო სამართლისა და საქართველოს ინტერესების სრული პატივისცემით. ჩვენ მხარს ვუჭერთ ჰუმანიტარული კონტაქტების გაღრმავებას, ტურიზმის გაფართოებას. ასეთია ჩვენი მიდგომა და ამ მიდგომას ცალსახად მხარს უჭერენ ჩვენი დასავლელი პარტნიორები, რაც ცალსახად გამოჩნდა ბოლოხანს.

ჩვენ ახლა ვერ გავუსწრებთ მოვლენებს. ვხედავთ, რომ იქ ამაზე ფიქრობენ, როგორც ჩანს, მუშაობენ კიდევაც. ასეთ გზავნილებს ვიღებთ ლავროვისგან, ახლა პესკოვისგან. ასე რომ, დაველოდებით შემდგომ ნაბიჯს. ის, თუ როგორია ჩვენი დამოკიდებულება ამის მიმართ, უკვე მოგახსენეთ. ჩვენ ასეთ გადაწყვეტილებას მივესალმებოდით​.

მიჭირს ამის კომენტირება, თუ რას გულისხმობენ საჭირო მომენტად – თუ დაიწყება ეს პროცესი, ალბათ უნდა შეხვდნენ ერთმანეთს სპეციალისტები, ექსპერტები ტრანსპორტის დარგში და განიხილონ ყველა ნიუანსი, ყველა დეტალი, იმისათვის რათა შემდგომ პრაქტიკული ნაბიჯი გადაიდგას. ჩვენ ამას დაველოდებით“, – განაცხადა ზურაბ აბაშიძემ.

ამასთან, ზურაბ აბაშიძის თქმით, საქართველოსა და რუსეთს შორის ფრენების აღდგენის საკითხზე შესაძლოა, ჟენევაშიც ისაუბრონ.

„არ არის გამორიცხული, მომავალ კვირას ჟენევაშიც შეეხონ რაღაც ფორმით ამ საკითხს. იქ რუსეთის დელეგაციას ახალი ხელმძღვანელი ეყოლება. გაიცნობენ ერთმანეთს ჩვენი დელეგაციისა და რუსეთის დელეგაციის ხელმძღვანელები. მათ იქ კომუნიკაცია ექნებათ და არ არის გამორიცხული, ამაზეც იყოს საუბარი.

ჩვენ ასევე ველოდებით გადაწყვეტილებას იმის თაობაზე, თუ ვინ გააგრძელებს მუშაობას ე.წ. პრაღის ფორმატში. ჩვენ დავადასტურეთ ჩვენი მზაობა ამ დიალოგის გასაგრძელებლად და ახლა ველოდებით ინფორმაციას იმის თაობაზე, პერსონალურად რა გადაწყვეტილება იქნება მიღებული. ვინ იქნება პრაღაში წარმოდგენილი“, – განაცხადა ზურაბ აბაშიძემ.

კომენტარები
მსგავსი სიახლეები
დღის ბოლო სიახლეები
დაემატა: გუშინ, 21:07
პაატა იმნაძე - იმ ბანაკში ჭკვიანები ხომ არიან?! თავი დამანებონ, ხომ იციან, რომ ბევრი რამე ვიცი - გაჩუმდნენ, თორემ ავლაპარაკდები
დაემატა: გუშინ, 21:05
ევროპის მიმართულებით დადგენილ ფრენებს 3 აპრილს ბერლინის მიმართულება დაემატა
დაემატა: გუშინ, 21:02
აშშ საქართველოს ჯანდაცვის სფეროს დასახმარებლად 1.1 მილიონ დოლარს გადასცემს
დაემატა: გუშინ, 20:59
„დაუშვებელია 1 მეტრზე ახლო კონტაქტი 15 წუთზე მეტი დროით“ - თვითიზოლაცია/კარანტინის წესები
დაემატა: გუშინ, 20:53
ტედროს ადანომ გებრეისუსი აცხადებს, რომ კორონავირუსის საწინააღმდეგოდ ოთხი სხვადასხვა პრეპარატით ცდები იწყება
ყველა სიახლე
ინტერვიუ
ირაკლი გოგავა: ინდუსტრიის გარეშე არ არსებობს არც ერთი განვითარებული სახელმწიფო. სხვაგვარად სიღარიბისთვის ვართ განწირულნი
13-02-2020 15:26
ირაკლი გოგავა: ინდუსტრიის გარეშე არ არსებობს არც ერთი განვითარებული სახელმწიფო. სხვაგვარად სიღარიბისთვის ვართ განწირულნი
ვაჟა ბერიძე - თუ ივანიშვილმა ვერ მოძებნა საზოგადოებასთან მისვლის გზა, არ გაარკვია მის რომელ ნაწილს წარმოადგენს, სავარაუდოდ, ოპოზიციის სცენარი განხორციელდება
11-02-2020 19:55
ვაჟა ბერიძე - თუ ივანიშვილმა ვერ მოძებნა საზოგადოებასთან მისვლის გზა, არ გაარკვია მის რომელ ნაწილს წარმოადგენს, სავარაუდოდ, ოპოზიციის სცენარი განხორციელდება
გია ჟორჟოლიანი - „ქართული ოცნების“ უპირობო მმართველობა უნდა დასრულდეს, ამისათვის საჭიროა საღი აზრის დაბრუნება პოლიტიკაში
11-02-2020 19:54
გია ჟორჟოლიანი - „ქართული ოცნების“ უპირობო მმართველობა უნდა დასრულდეს, ამისათვის საჭიროა საღი აზრის დაბრუნება პოლიტიკაში
ზაალ ანჯაფარიძე - ხელისუფლების შესანარჩუნებლად „ქართულ ოცნებას“ ნემსის ყუნწში გაძვრენა მოუწევს
22-01-2020 15:00
ზაალ ანჯაფარიძე - ხელისუფლების შესანარჩუნებლად „ქართულ ოცნებას“ ნემსის ყუნწში გაძვრენა მოუწევს