30-10-2019 21:11

კელი დეგნანი - რუსეთთან დიალოგის გაგრძელება აუცილებელია

კელი დეგნანი - რუსეთთან დიალოგის გაგრძელება აუცილებელია

რუსეთთან დიალოგის გაგრძელება აუცილებელია, – ეს განცხადება საქართველოში აშშ-ის ელჩობის კანდიდატმა, კელი დეგნანმა სენატის საგარეო ურთიერთობათა კომიტეტში გამოსვლისას, სენატორების კითხვაზე საპასუხოდ გააკეთა.

საქართველოში აშშ-ის ელჩად წარდგენილმა კანდიდატმა ევროპის სტაბილურობისა და უსაფრთხოების უზრუნველყოფაში ნატო-ს როლზე გაამახვილა ყურადღება.

„მე ვმუშაობდი ნატო-ში და დავინახე ნატო-რუსეთის საბჭოს მნიშვნელობა. ეს არის ფორმა დიალოგისთვის და რუსეთთან დიალოგის გაგრძელება აუცილებელია. ნატო არის პოლიტიკური და სამხედრო ორგანიზაცია. ნატო-ს პოლიტიკური ნაწილი გადამწყვეტი და მნიშვნელოვანი იყო ევროპაში მშვიდობის, განვითარებისა და სტაბილურობის უზრუნველსაყოფად. ნატო არის თავდაცვითი ორგანიზაცია, რომელიც წლების განმავლობაში კარგად ემსახურა აშშ-ს, კანადას და ევროპას. ამასთან, ჩემი აზრით, მნიშვნელოვანია წინ წავწიოთ რუსეთთან დიალოგის შენარჩუნების შესაძლებლობა. თუმცა, ამავე დროს კიდევ ერთხელ უნდა გავუსვათ ხაზი, რომ სუვერენულ ქვეყნებს აქვთ უფლება, თავად აირჩიონ რომელ ალიანსში სურთ ყოფნა. ასეთია საქართველო, ლიეტუვა და ალბანეთი. ჩემი აზრით, ნატო კვლავ იქნება ძლიერი ძალა სტაბილურობისთვის ევროპაში“, – განაცხადა საქართველოში აშშ-ის ელჩობის კანდიდატმა.

დეგნანმა ასევე ხაზი გაუსვა აშშ-ის მხრიდან საქართველოს მხარდაჭერის მნიშვნელობას.

„აშშ-მა და საქართველოს ყველა მეგობარმა მოვახდინეთ დემონსტრირება, რომ საქართველოს ტერიტორიული მთლიანობის დაცვა აუცილებელია. საქართველოსადმი ჩვენი მხარდაჭერა არის მტკიცე, როდესაც ის ახორციელებს ყველა საჭირო რეფორმას ინსტიტუტების გასაძლიერებლად, რომ მიჰყვეს იმ გზას, რომელიც თავად აირჩია და ეს არის ევროკავშირსა და დასავლეთთან ინტეგრაცია. სწორედ ამ საქმეში ჩვენ შეიძლება, ვიყოთ საქართველოს ნამდვილი მეგობარი. ის დახმარება, რომელსაც საქართველოს ვაწვდით, განსაკუთრებით საქართველოს თავდაცვითი შესაძლებლობებისა და დამოუკიდებლობის განსამტკიცებლად, აბსოლუტურ აუცილებლობას წარმოადგენს. ჩვენ მარტო არ ვართ, ევროკავშირთან კოორდინირებულად ვმოქმედებთ, რადგან გვსურს, ვიხილოთ წარმატებული საქართველო. საქართველომ ბოლო 20 წელში შესანიშნავ პროგრესს მიაღწია, თუმცა, კიდევ ბევრია გასაკეთებელი“, – განაცხადა დეგნანმა.
წყარო >> პირველი არხი

კომენტარები
მსგავსი სიახლეები
დღის ბოლო სიახლეები
დაემატა: დღეს, 14:22
„ბიბისი“ - სიმართლეს არ შეესაბამება ვარაუდი, რომ სტატია, „როგორ დაეხმარა „სამი მუშკეტერი“ საქართველოს ვირუსის წინააღმდეგ ბრძოლაში“, შეკვეთილია
დაემატა: დღეს, 14:21
ეკლესიათა მსოფლიო საბჭო ერდოღანს მოუწოდებს, აია-სოფიას მეჩეთად გადაკეთების გადაწყვეტილება გააუქმოს
დაემატა: დღეს, 14:20
მართლმადიდებელი ეკლესია პეტრე-პავლობას აღნიშნავს
დაემატა: დღეს, 14:19
მეუფე იაკობი შაქარაშვილის საქმეზე - ვინც ჩაიდინა, ვაჟკაცობა უნდა ჰქონდეს და გამოვიდეს
დაემატა: დღეს, 14:16
მეუფე შიო - ქართული ეკლესიის მშენებლობის და აღმავლობის ყველაზე მძლავრი ლოდი და დიდი წინამძღოლი სწორედ პატრიარქია
ყველა სიახლე
ინტერვიუ
ივანე ჩხაიძე: 2 წლამდე ასაკის ბავშვებისათვის ეკრანთან ურთიერთობა კატეგორიულად აკრძალულია!
01-07-2020 13:25
ივანე ჩხაიძე: 2 წლამდე ასაკის ბავშვებისათვის ეკრანთან ურთიერთობა კატეგორიულად აკრძალულია!
ვაჟა ბერიძე - ხედვების ერთობლიობა „ოცნების“  საქმიანობაში არ იკვეთება, არადა, ელექტორატის 40-45%  აუცილებლად დაუსვამს ივანიშვილს კითხვას - რას აპირებთ? რატომ უნდა დაგიჭიროთ მხარი?
26-06-2020 16:33
ვაჟა ბერიძე - ხედვების ერთობლიობა „ოცნების“ საქმიანობაში არ იკვეთება, არადა, ელექტორატის 40-45% აუცილებლად დაუსვამს ივანიშვილს კითხვას - რას აპირებთ? რატომ უნდა დაგიჭიროთ მხარი?
ლადო პაპავა - მოსახლეობა პოზიტიური დღის წესრიგის მოლოდინშია
26-06-2020 16:30
ლადო პაპავა - მოსახლეობა პოზიტიური დღის წესრიგის მოლოდინშია
რა სიახლეები დახვდებათ ამომრჩევლებს უბნებზე და როგორ ჩატარდება არჩევნები პანდემიის პირობებში?
11-06-2020 14:47
რა სიახლეები დახვდებათ ამომრჩევლებს უბნებზე და როგორ ჩატარდება არჩევნები პანდემიის პირობებში?