12-11-2019 13:51

ირაკლი კობახიძე - „ნაციონალები“ არიან ახალი დროის ორჯონიკიძეები, ბერბიჭაშვილები, დღეს ისინი აუცილებლად ესროდნენ ილიას

ირაკლი კობახიძე - „ნაციონალები“ არიან ახალი დროის ორჯონიკიძეები, ბერბიჭაშვილები, დღეს ისინი აუცილებლად ესროდნენ ილიას

ჩვენ ვიხილეთ გასული ორი კვირის განმავლობაში უპრეცედენტო შტურმი ეკლესიაზე და პირადად პატრიარქზე, – ამის შესახებ პარლამენტის პლენარულ სესიაზე უმრავლესობის დეპუტატმა, ირაკლი კობახიძემ განაცხადა.

მისი შეფასებით, ოპონენტებს რეალურად არ უყვართ ქვეყანა და არ უხარიათ მისი წარმატება, პირიქით – სწყინთ საქართველოს განვითარება და წარმატება.

„ვიცით, რომ ეს პოლიტიკური ძალა არის მთლიანად სიცრუეზე აგებული, განწირულია მხილებისთვის და წარუმატებლობისთვის. ეს არის ნამდვილად საცოდავი პოლიტიკური ძალა, რომელსაც არ აქვს არც სამშობლო და არც ღმერთი სწამს.

რაც შეეხება ღმერთის რწმენას, ამ თემაზე აუცილებლად განსაკუთრებული აქცენტი უნდა გავამახვილოთ. ჩვენ ვიხილეთ გასული ორი კვირის განმავლობაში უპრეცედენტო შტურმი ეკლესიაზე და პირადად პატრიარქზე. ამაზე მეტყველებს ლიდერების, მათი ლიდერების მესიჯები და მე ციტატებს არ მოვიყვან იმის გამო, რომ დრო არ მეყოფა უბრალოდ ამისთვის – „ფეისბუქზე“ ათასობით „ნაციონალის“ უპრეცედენტო შტურმი პატრიარქზე და ეკლესიაზე; „ნაცების“ საიტები, შეგიძლიათ, ამოიღოთ სათაურები, როგორი შტურმი ხორციელდებოდა ეკლესიაზე, პატრიარქზე და ასევე „ნაცმოძრაობის“ სატელევიზიო საშუალებები, მათი მარგინალური პარტიული ტელევიზია ახორციელებდა მიზანმიმართულ შტურმს ეკლესიაზე. მარტო სათაურების მოყვანაც არის საკმარისი“, – განაცხადა კობახიძემ.

დეპუტატის თქმით, ეს ყველაფერი მეტყველებს იმაზე, თუ ვის მიერ არის შეტევა მართული.

„ეს ყველაფერი მეტყველებს იმაზე, თუ ვის ინტერესებშია და ვის მიერაა მართული შეტევა და შტურმი ეკლესიაზე, პატრიარქზე. თუმცა ეს შტურმი განწირულია წარუმატებლობისთვის. მათ სცადეს 20 ივნისს შეჭრა პარლამენტში და ხელისუფლების გადატრიალება. ეს მცდელობა დასრულდა ისე, როგორც დასრულდა, მათი წარუმატებლობით. ახლა ცდილობდნენ შეჭრას ეკლესიაში და ეს მცდელობაც ასეთივე წარუმატებლობით დასრულდება, რადგან აქ დგას ხალხი, აქ დგას ხელისუფლება, აქ დგას ეკლესია, რომლებიც არის შეურყეველი და აუცილებლად დაუპირისპირებენ სათანადო პასუხს ასეთ პოლიტიკურ ძალებს“, – განაცხადა ირაკლი კობახიძემ.

მისი შეფასებით, განსაკუთრებით შემაშფოთებელი იყო თავდასხმა პირადად პატრიარქზე.

„განსაკუთრებით შემაშფოთებელი იყო თავდასხმა პირადად პატრიარქზე, რომელიც უკვე 40 წელზე მეტია, ემსახურება ეკლესიის აღორძინებას და რომელიც ემსახურება ჩვენი ქვეყნის აღორძინების საქმეს. ჩვენ აქ ვიხილეთ იმ სულის რეინკარნაცია, რომელიც ასე გვახსოვს გასული საუკუნის დასაწყისიდან – ეს არის ბოლშევიკური სულის რეინკარნაცია. მათ რომ ჰქონდეთ ახლა საშუალება, ხელში ჰქონდეთ უროები და მაკრატლები, დაწყებდნენ ეკლესიების ნგრევას და სასულიერო პირების გაკრეჭას, თუმცა მათ აქვთ სხვა იარაღი და დღეს ისინი აუცილებლად ესროდნენ ილიას, რადგან ისინი არიან ახალი დროის ორჯონიკიძეები და ახალი დროის ბერბიჭაშვილები. ეს არის ხალხის შეფასება ამ პოლიტიკური ძალის მიმართ“, – განაცხადა ირაკლი კობახიძემ.
წყარო >>> 1tv.ge

კომენტარები
მსგავსი სიახლეები
დღის ბოლო სიახლეები
დაემატა: გუშინ, 21:50
მუსიკოსი თავის ტვინის ოპერაციის მიმდინარეობისას ვიოლინოზე უკრავს. ვიდეო
დაემატა: გუშინ, 21:47
ილია მეორე: შემთხვევითი არაა, რომ სენი, რომელიც მოედო მთელს მსოფლიოს, საქართველოში არ არის
დაემატა: გუშინ, 21:43
სალომე ზურაბიშვილი - ვგმობ მოვლენების ტრაგიკულ განვითარებას და ვიზიარებ უკრაინელი ხალხის მღელვარებას
დაემატა: გუშინ, 21:35
პარლამენტმა გენერალურ პროკურორად ირაკლი შოთაძე დაამტკიცა
დაემატა: გუშინ, 12:20
ორბელიანების სასახლეში ემიგრანტებთან რეგულარული შეხვედრები დაიწყება
ყველა სიახლე
ინტერვიუ
ირაკლი გოგავა: ინდუსტრიის გარეშე არ არსებობს არც ერთი განვითარებული სახელმწიფო. სხვაგვარად სიღარიბისთვის ვართ განწირულნი
13-02-2020 15:26
ირაკლი გოგავა: ინდუსტრიის გარეშე არ არსებობს არც ერთი განვითარებული სახელმწიფო. სხვაგვარად სიღარიბისთვის ვართ განწირულნი
ვაჟა ბერიძე - თუ ივანიშვილმა ვერ მოძებნა საზოგადოებასთან მისვლის გზა, არ გაარკვია მის რომელ ნაწილს წარმოადგენს, სავარაუდოდ, ოპოზიციის სცენარი განხორციელდება
11-02-2020 19:55
ვაჟა ბერიძე - თუ ივანიშვილმა ვერ მოძებნა საზოგადოებასთან მისვლის გზა, არ გაარკვია მის რომელ ნაწილს წარმოადგენს, სავარაუდოდ, ოპოზიციის სცენარი განხორციელდება
გია ჟორჟოლიანი - „ქართული ოცნების“ უპირობო მმართველობა უნდა დასრულდეს, ამისათვის საჭიროა საღი აზრის დაბრუნება პოლიტიკაში
11-02-2020 19:54
გია ჟორჟოლიანი - „ქართული ოცნების“ უპირობო მმართველობა უნდა დასრულდეს, ამისათვის საჭიროა საღი აზრის დაბრუნება პოლიტიკაში
ზაალ ანჯაფარიძე - ხელისუფლების შესანარჩუნებლად „ქართულ ოცნებას“ ნემსის ყუნწში გაძვრენა მოუწევს
22-01-2020 15:00
ზაალ ანჯაფარიძე - ხელისუფლების შესანარჩუნებლად „ქართულ ოცნებას“ ნემსის ყუნწში გაძვრენა მოუწევს