27-04-2020 16:08

ილონ მასკის თანამგზავრები ცაში საქართველოდან ამაღამაც გამოჩნდება

ილონ მასკის თანამგზავრები ცაში საქართველოდან ამაღამაც გამოჩნდება

ილონ მასკის პროექტის, Starlink-ის თანამგზავრები ძალიან ბევრმა ადამიანმა გუშინ საქართველოდანაც დაინახა. ხომალდები ცაში დღეს, 27 აპრილსაც გამოჩნდება; თანამგზავრთა მწკრივის გავლა თბილისის დროით 21:07 საათზე ჩრდილო-დასავლეთის ცაზე დაიწყება და რამდენიმე წუთის შემდეგ დასრულდება სამხრეთ-აღმოსავლეთის ცაში. ასე რომ, ვინც ეს შთამბეჭდავი სანახაობა გუშინ ვერ იხილით, ამის შანსი დღესაც გაქვთ და მომავალში უფრო ხშირად გექნებათ.
პროექტი Starlink-ი ამერიკელმა ბიზნესმენმა ილონ მასკმა 2015 წელს დაიწყო და მისი მიზანი მთელი პლანეტის თანამგზავრული ინტერნეტით დაფარვაა.

პროგრამას მასკმა Starlink-ი უწოდა და მას მისი კომპანია, „სფეის იქსი“ ახორციელებს. თანამგზავრების გაშვება ეტაპობრივად მიმდინარეობს, საცდელი თანამგზავრები პირველად 2018 წელს გაუშვეს, პირველი 60 თანამგზავრი კი 2019 წლის მაისში. ბოლო ერთი კვირაა, „სფეის იქსი“ ხომალდების ახალ ნაკადს უშვებს და ორბიტაზე გასული თანამგზავრების მოძრაობა საქართველოს ციდანაც შესანიშნავად ჩანს.

პროგრამა Starlink-ის ფარგლებში დედამიწის ორბიტაზე ეტაპობრივად გაეშვება 40 000 ხელოვნური თანამგზავრი, რომლებიც ინტერნეტით მთელ პლანეტას დაფარავენ და ამ მხრივ გაცილებით გადააჭარბებენ თანამგზავრული ინტერნეტის ამჟამად მოქმედ ნებისმიერ პროვაიდერს.

მასკის განცხადებით, მისი მიზანია, უახლოეს ხანებში Starlink-მა ინტერნეტი მიაწოდოს დედამიწის ისეთ რეგიონებს, სადაც ინტერნეტი აქამდე არასოდეს ყოფილა. მისივე თქმით, ასეთი რეგიონებისთვის ბეტა-ტესტირების ფაზა უახლოეს რამდენიმე თვეში დაიწყება, საყოველთაო ტესტირება კი ექვს თვეში.

სერვისის ამოქმედების შემდეგ, Starlink-ის ინტერნეტით სარგებლობას და ქსელთან წვდომას „სფეის იქსის“ სპეციალური მიმღები ყუთით შევძლებთ.



ავტორი - მიხეილ ჭაბუკაშვილი

[ წყარო - https://1tv.ge ]

კომენტარები
მსგავსი სიახლეები
დღის ბოლო სიახლეები
დაემატა: დღეს, 14:23
საქართველოს მუსლიმთა უმაღლესი სასულიერო სამმართველოს თავმჯდომარე სუს-ში გამოკითხვაზე იმყოფება
დაემატა: დღეს, 13:11
საქართველოში კორონავირუსის სამი ახალი შემთხვევა დაფიქსირდა, 13 პაციენტი კი გამოჯანმრთელდა
დაემატა: დღეს, 13:10
ჭავჭავაძის გამზირზე ტრანსპორტის მოძრაობის სქემა დროებით იცვლება
დაემატა: დღეს, 13:09
იენს სტოლტენბერგი - ნატო კორონავირუსის მეორე ტალღისთვის ემზადება
დაემატა: დღეს, 13:09
კახეთში კორონავირუსზე 185 ნიმუში გამოიკვლიეს და ყველა უარყოფითია
ყველა სიახლე
ინტერვიუ
ხათუნა ლაგაზიძე - „ოცნება“ ცეცხლს კი არა, ქარიშხალს ეთამაშება
19-05-2020 14:56
ხათუნა ლაგაზიძე - „ოცნება“ ცეცხლს კი არა, ქარიშხალს ეთამაშება
ვაჟა ოთარაშვილი: ტაძარი არ არის ენ-ჯე-ოს ოფისი, რომ დაკეტო. ტაძარი გულია, რომლის გაჩერებაც არ შეიძლება!
08-04-2020 16:37
ვაჟა ოთარაშვილი: ტაძარი არ არის ენ-ჯე-ოს ოფისი, რომ დაკეტო. ტაძარი გულია, რომლის გაჩერებაც არ შეიძლება!
ირაკლი გოგავა: ინდუსტრიის გარეშე არ არსებობს არც ერთი განვითარებული სახელმწიფო. სხვაგვარად სიღარიბისთვის ვართ განწირულნი
13-02-2020 15:26
ირაკლი გოგავა: ინდუსტრიის გარეშე არ არსებობს არც ერთი განვითარებული სახელმწიფო. სხვაგვარად სიღარიბისთვის ვართ განწირულნი
ვაჟა ბერიძე - თუ ივანიშვილმა ვერ მოძებნა საზოგადოებასთან მისვლის გზა, არ გაარკვია მის რომელ ნაწილს წარმოადგენს, სავარაუდოდ, ოპოზიციის სცენარი განხორციელდება
11-02-2020 19:55
ვაჟა ბერიძე - თუ ივანიშვილმა ვერ მოძებნა საზოგადოებასთან მისვლის გზა, არ გაარკვია მის რომელ ნაწილს წარმოადგენს, სავარაუდოდ, ოპოზიციის სცენარი განხორციელდება