28-04-2020 14:00

ფლორაინ ჰასელი: უკრაინაში ახსოვთ სააკაშვილის პოპულიზმი და ვერბალური გამოხტომები, ზელენსკის არჩევანით ბევრი დეპუტატი აღფრთოვანებული არაა

ფლორაინ ჰასელი: უკრაინაში ახსოვთ სააკაშვილის პოპულიზმი და ვერბალური გამოხტომები, ზელენსკის არჩევანით ბევრი დეპუტატი აღფრთოვანებული არაა

ახლა პრეზიდენტ ზელენსკის ჯერია, რომელსაც სწრაფი რეფორმები ან მინიმუმ რეფორმების იმიტაცია სჭირდება, რომლის გარეშეც არ იქნება მილიარდები მსოფლიო სავალუტო ფონდისგან და ევროკავშირისგან, რომელმაც უკრაინა გაკოტრებისგან უნდა იხსნას. სააკაშვილის ნომინირება ზელენსკის პრესსამსახურმა სააკაშვილის რეფორმატორის საერთაშორისო იმიჯით ახსნა, - ამის შესახებ ცნობილი გერმანელი ჟურნალისტი ფლორაინ ჰასელი გამოცემა sueddeutsche-ში წერს.

ჟურნალისტი ვრცელ სტატიაში, სახელწოდებით „მეფე მზის დაბრუნება“, საქართველოს ექსპრეზიდენტის კარიერას მიმოიხილავს და ცდილობს ახსნას, რატომ დასჭირდა უკრაინის პრეზიდენტ ვოლოდიმირ ზელენსკის საქართველოს ექსპრეზიდენტის უკრაინის ვიცე-პრემიერად წარდგენა.

საქართველოს ყოფილმა პრეზიდენტმა, მიხეილ სააკაშვილმა უკრაინა გაკოტრებისგან უნდა იხსნას, - წერს ჟურნალისტი.

„ჯერ კიდევ ორი წლის წინ მიხეილ სააკაშვილის პოლიტიკური კარიერა დასრულებული ჩანდა. 2018 წლის თებერვალში პოლიციამ და საზღვრის დაცვის თანამშრომლებმა ოდესის ყოფილი გუბერნატორი კიევის ერთ-ერთ რესტორანში დააკავეს და თვითმფრინავით ვარშავის მიმართულებით გაადეპორტეს. დაბრუნების შემთხვევაში, პროკურატურა მას სახელმწიფო გადატრიალების ბრალდებით სისხლის სამართლებრივი დევნით ემუქრებოდა.

ვოლოდიმერ ზელენსკიმ მიხეილ სააკაშვილს გაპრეზიდენტებისთანავე მისი წინამორბედის, პეტრო პოროშენკოს მიერ ჩამორთმეული უკრაინის მოქალაქეობა დაუბრუნა. სამართალდამცველებმა მიხეილ სააკაშვილის წინააღმდეგ სისხლის სამართლის საქმის წარმოება შეწყვიტეს. სააკაშვილი კიწვში დაბრუნდა. აქამდე მის ირგვლივ სიჩუმე სუფევდა. ახლა კი მიხეილ სააკაშვილმა ვიცე-პრემიერის რანგში უკრაინა ისევ რეფორმების გზაზე უნდა დააყენოს და უკრაინას დასავლეთში ქვეყნისთვის სასიცოცხლოდ აუცილებელი მილიარდიანი კრედიტის მოპოვება გაუადვილოს.

რეფორმატორის სახელი მიხეილ სააკაშვილმა 2004-2013 წლებში მოიპოვა, როგორც კავკასიის რესპუბლიკის, საქართველოს პრეზიდენტმა. სააკაშვილმა რეფორმა ჩაატარა საყოველთაოდ ცნობილ კორუმპირებულ პოლიციაში, შეამცირა ბიუროკრატია და მოხელეთა რაოდენობა და გახდა ამერიკის ფავორიტი. თუმცა მმართველობის პერიოდში სააკაშვილმა აჩვენა ავტოკრატისათვის დამახასიათებელი ნიშნები. მისი მინისტრები ატერორებდნენ ბიზნესმენებს, მართლმსაჯულება და ოპოზიცია აღმოჩნდა ზეწოლის ქვეშ. სააკაშვილმა ახალი საპრეზიდენტო სასახლე ააშენებინა და ქვეყანას როგორც მეფე მზე მართავდა.

2013 წელს საპრეზიდენტო ვადის დასრულებისთანავე მიხეილ სააკაშვილი ნიუ-იორკში საცხოვრებლად გადავიდა, ვინაიდან პროკურატურას აინტერესებდა როგორც ასაბუთებდა მიხეილ სააკაშვილი თითქმის სამი მილიონი ევროს დახარჯვის მიზნობრიობას, რომელიც დაიხარჯა ქაშმირის პალტოებში, ძვირადღირებულ საათებში, ვერტმფრენების და იახტების მომსახურებაში, ფოტო მოდელების და მასაჟისტების ჩამოყვანაში, თმის და ბოტოქსის პროცედურებში.

2015 წელს სააკაშვილი ისევ გამოჩნდა. პეტრე პოროშენკომ მას უკრაინული პასპორტი მისცა და ოდესის გუბერნატორად დანიშნა. სააკაშვილმა ისევ კორუფციის წინააღმდეგ მებრძოლის მანტია მოირგო, თუმცა ამჯერად წარუმატებლად. 2016 წელს დატოვა ოდესის გუბერნატორის პოსტი და ხელისუფლებას დაუპირისპირდა, მათ შორის პოროშენკოს, რომელმაც მას მოქალაქეობა წაართვა და გაადეპორტა.

ახლა პრეზიდენტ ზელენსკის ჯერია, რომელსაც სწრაფი რეფორმები ან მინიმუმ რეფორმების იმიტაცია სჭირდება, რომლის გარეშეც არ იქნება მილიარდები მსოფლიო სავალუტო ფონდისგან და ევროკავშირისგან, რომელმაც უკრაინა გაკოტრებისგან უნდა იხსნას. სააკაშვილის ნომინირება ზელენსკის პრესამსახურმა სააკაშვილის რეფორმატორის საერთაშორისო იმიჯით ახსნა.

ფორმალურად სააკაშვილის კანდიდატურა პარლამენტმა უნდა დაამტკიცოს, შესაძლებელია ამ პარასკევსაც. კანდიდატი პარლამენტს რეფორმების საკუთარ ხედვას წარუდგენს, პრეზიდენტი ზელენსკი პირადად დაუჭერს მხარს სააკაშვილის კანდიდატურას. ყოველკვირეული გამოცემა „კვირის სარკე“-ს მიხედვით, ბევრი დეპუტატი ამ ფაქტით აღფრთოვანებული არ არის. მათ ახსოვთ სააკაშვილის პოპულიზმი და ვერბალური გამოხტომები. საქართველოში სააკაშვილის პოლიტიკური კომეტა უკვე ჩამქრალია, დღემდე ოთხი სისხლის სამართლის საქმის წარმოება მიმდინარეობს მის წინააღმდეგ. თბილისმა რამდენჯერმე კიევისგან მისი გადაცემა მოითხოვა, თუმცა უშედეგოდ“, - ნათქვამია სტატიაში.

როგორც ცნობილია, მიხეილ სააკაშვილს უკრაინის ვიცე-პრემიერის თანამდებობა შესთავაზეს.

[ წყარო - https://imedinews.ge ]

კომენტარები
მსგავსი სიახლეები
დღის ბოლო სიახლეები
დაემატა: გუშინ, 21:35
აჭარის ტურიზმის დეპარტამენტის უფროსის განცხადებით, ადამიანებისთვის, რომლებიც პლაჟზე პროდუქტით და ნივთებით ვაჭრობენ, სპეციალური რეგულაციები მუშავდება
დაემატა: გუშინ, 21:33
ილია მეორე - ადამიანი სიხარულისთვისაა გაჩენილი, მწუხარებისთვის კი არა - არ შეგეშინდეთ, იმედი არ დაკარგოთ, ღმერთი მუდამ თქვენთანაა
დაემატა: გუშინ, 21:30
ქუთაისის მუნიციპალიტეტში ღამის საათებში პიროტექნიკის გამოყენება იკრძალება, გაკონტროლდება ხმაურის დასაშვები ნორმების გადამეტებაც
დაემატა: გუშინ, 20:59
პაატა იმნაძე - საქართველოში არიან ადამიანები, რომლებმაც კორონავირუსი გადაიტანეს ისე, რომ ვერ გაიგეს, თუმცა ასეთი არის ძალიან ცოტა
დაემატა: გუშინ, 20:56
ამირან გამყრელიძე - ახლა დამცინებენ, დისტანციური ქორწილი არ გაგვიგიაო, მაგრამ მცირე წრეში შესაძლებელია
ყველა სიახლე
ინტერვიუ
ხათუნა ლაგაზიძე - „ოცნება“ ცეცხლს კი არა, ქარიშხალს ეთამაშება
19-05-2020 14:56
ხათუნა ლაგაზიძე - „ოცნება“ ცეცხლს კი არა, ქარიშხალს ეთამაშება
ვაჟა ოთარაშვილი: ტაძარი არ არის ენ-ჯე-ოს ოფისი, რომ დაკეტო. ტაძარი გულია, რომლის გაჩერებაც არ შეიძლება!
08-04-2020 16:37
ვაჟა ოთარაშვილი: ტაძარი არ არის ენ-ჯე-ოს ოფისი, რომ დაკეტო. ტაძარი გულია, რომლის გაჩერებაც არ შეიძლება!
ირაკლი გოგავა: ინდუსტრიის გარეშე არ არსებობს არც ერთი განვითარებული სახელმწიფო. სხვაგვარად სიღარიბისთვის ვართ განწირულნი
13-02-2020 15:26
ირაკლი გოგავა: ინდუსტრიის გარეშე არ არსებობს არც ერთი განვითარებული სახელმწიფო. სხვაგვარად სიღარიბისთვის ვართ განწირულნი
ვაჟა ბერიძე - თუ ივანიშვილმა ვერ მოძებნა საზოგადოებასთან მისვლის გზა, არ გაარკვია მის რომელ ნაწილს წარმოადგენს, სავარაუდოდ, ოპოზიციის სცენარი განხორციელდება
11-02-2020 19:55
ვაჟა ბერიძე - თუ ივანიშვილმა ვერ მოძებნა საზოგადოებასთან მისვლის გზა, არ გაარკვია მის რომელ ნაწილს წარმოადგენს, სავარაუდოდ, ოპოზიციის სცენარი განხორციელდება