17-06-2020 18:52

თენგიზ ცერცვაძე - კოვიდიან პაციენტებში "დექსამეტაზონის" გამოყენება იაფი, ალტერნატიული გამოსავალია, თუმცა არსებობს უკეთესი, მაგრამ ძვირი პრეპარატები

თენგიზ ცერცვაძე - კოვიდიან პაციენტებში "დექსამეტაზონის" გამოყენება იაფი, ალტერნატიული გამოსავალია, თუმცა არსებობს უკეთესი, მაგრამ ძვირი პრეპარატები

კოვიდ 19-ის მქონე პაციენტებში პრეპარატ "დექსამეტაზონის" გამოყენება არის იაფი, ალტერნატიული გამოსავალი, თუმცა არსებობს უკეთესი, მაგრამ ძვირი პრეპარატები, - ამის შესახებ "ინტერპრესნიუსს" ინფექციური საავადმყოფოს ხელმძღვანელმა თენგიზ ცერცვაძემ განუცხადა, რითიც გამოეხმაურა ჯანმოს განცხადებას, რომ კოვიდ 19-ით დაინფიცირებულ პაციენტებში პრეპარატ „დექსამეტაზონის“ გამოყენების პირველადი კლინიკური ცდების შედეგები „დიდებულია“.

ცერცვაძის თქმით, პრეპარატი "დექსამეტაზონი" მედიკოსებმა მხოლოდ მაშინ უნდა გამოიყენონ, თუ ლაბორატორიულად დადასტურებული ციტოკინური შტორმია და მაშინ, როცა სხვა უფრო ეფექტური მეთოდების გამოყენება გარკვეული მიზეზების გამო შესაძლებელი არაა.

"რა თქმა უნდა, ჩვენც ვიყენებთ პრეპარატ "დექსამეტაზონს" კოვიდიან პაციენტებში. ჩვეულებრივად ვიყენებთ, ოღონდ არის ერთი რამ. ამ სტეროიდების გამოყენებას, კოვიდ 19-ით ინფიცირებულებში აქვს ის დანიშნულება, რომ მან შეაკავოს ე.წ. ციტოკინური შტორმით გამოწვეული უარყოფითი შედეგები. უფრო გასაგებად რომ ვთქვა, ამ კოვიდ 19-ით ავადმყოფებში, ვირუსის ზეგავლენით გამოთავისუფლდება მთელი რიგი ბიოლოგიურად აქტიური ნივთიერებები, ე.წ. ციტოკინები და ციტოკინების გამოთავისუფლება დიდი რაოდენობით, თავიდან დაცვის როლს თამაშობს, თუმცა, შემდეგ, როცა ჭარბი რაოდენობით გამოიყოფა, შეიძლება იმუშაოს ორგანიზმის წინააღმდეგ. "დექსამეტაზონი" ამ ციტოკინურ შტორმს ანუ ანთების მედიატორების ანუ ძლიერი ანთებითი რეაქციის გამომწვევი ციტოკინების გამოყოფას ამცირებს. მაგრამ ამისთვის არსებობს გაცილებით ეფექტური მეთოდები სხვა - ტოცილიზუმაბი, არის ასევე, სპეციალური ფილტრები... ეს მეთოდები უპირატესია, უფრო ეფექტურია, ჩვენ მათ ვიყენებთ. მაგალითად, რამდენიმე ავადმყოფი რომლის შემთხვევაც შესაძლოა ლეტალურად დასრულებულიყო, გადავარჩინეთ, ამ მეთოდებით. "დექსამეტაზონი" გამოიყენება მაშინ, როცა იმ მეთოდებს ვერ ვიყენებთ რაღაცის გამო: 1. აქვს უკუჩვენებები და 2. ძვირია. ამ დროს ვიყენებთ "დექსამეტაზონს". ეს არის იაფი ალტერნატიული გამოსავალი, რომელიც ისე ეფექტური არ არის, როგორც ისინი, მაგრამ ნაწილობრივ ეფექტურია, ამცირებს ანთების გამომწვევი ციტოკინების რაოდენობას, იოლი გამოსაყენებელია. ისინი რთული გამოსაყენებელია და ძვირია. თუმცა, ამასაც აქვს უარყოფითი შედეგები და დიაბეტით ავადმყოფებში ვერ გამოიყენებ. დიაბეტს აუარებს. თუ პაციენტს დიაბეტი არ აქვს ან მსუბუქი ფორმა აქვს, მაშინ შეიძლება "დექსამეტაზონის" გამოყენება,"- განაცხადა ცერცვაძემ.

ცნობისათვის, ოქსფორდის უნივერსიტეტის მკვლევრებმა, რომლებიც COVID-19-ის თერაპიის რანდომიზებულ კვლევას -RECOVERY - ატარებენ, განაცხადეს, რომ პრეპარატი დექსამეტაზონი COVID-19-ით ჰოსპიტალიზირებულ პაციენტებში, რომლებიც ჟანგბადით მკურნალობას ან სასუნთქ აპარატზე მიერთებას საჭიროებენ, სიკვდილიანობას დაახლოებით ერთი მესამედით ამცირებს.

[ წყარო - https://www.interpressnews.ge/ ]

კომენტარები
მსგავსი სიახლეები
დღის ბოლო სიახლეები
დაემატა: გუშინ, 23:03
მიხეილ სააკაშვილი უკრაინაში მორიგ სკანდალში გაეხვა
დაემატა: გუშინ, 21:32
ცხინვალის ე.წ. საგარეო უწყება - თბილისი განაგრძობს სხვისი მიწების დაპყრობისა და რევანშის შესახებ ოცნებას
დაემატა: გუშინ, 21:14
მთავრობას საგანგებო მდგომარეობის გარეშე​ გარკვეული შეზღუდვების გატარების უფლება შესაძლოა, 2020 წლის ბოლომდე გაუხანგრძლივდეს
დაემატა: გუშინ, 21:13
დონალდ ტრამპი: აშშ-ში გამოვლენილი კორონავირუსის შემთხვევების 99% აბსოლუტურად უვნებელია
დაემატა: გუშინ, 21:12
ჩინეთში, შიდა მონღოლეთის ავტონომიურ რეგიონში შავი ჭირის გავრცელების საშიშროების გამო, საფრთხის მესამე დონე გამოცხადდა
ყველა სიახლე
ინტერვიუ
ივანე ჩხაიძე: 2 წლამდე ასაკის ბავშვებისათვის ეკრანთან ურთიერთობა კატეგორიულად აკრძალულია!
01-07-2020 13:25
ივანე ჩხაიძე: 2 წლამდე ასაკის ბავშვებისათვის ეკრანთან ურთიერთობა კატეგორიულად აკრძალულია!
ვაჟა ბერიძე - ხედვების ერთობლიობა „ოცნების“  საქმიანობაში არ იკვეთება, არადა, ელექტორატის 40-45%  აუცილებლად დაუსვამს ივანიშვილს კითხვას - რას აპირებთ? რატომ უნდა დაგიჭიროთ მხარი?
26-06-2020 16:33
ვაჟა ბერიძე - ხედვების ერთობლიობა „ოცნების“ საქმიანობაში არ იკვეთება, არადა, ელექტორატის 40-45% აუცილებლად დაუსვამს ივანიშვილს კითხვას - რას აპირებთ? რატომ უნდა დაგიჭიროთ მხარი?
ლადო პაპავა - მოსახლეობა პოზიტიური დღის წესრიგის მოლოდინშია
26-06-2020 16:30
ლადო პაპავა - მოსახლეობა პოზიტიური დღის წესრიგის მოლოდინშია
რა სიახლეები დახვდებათ ამომრჩევლებს უბნებზე და როგორ ჩატარდება არჩევნები პანდემიის პირობებში?
11-06-2020 14:47
რა სიახლეები დახვდებათ ამომრჩევლებს უბნებზე და როგორ ჩატარდება არჩევნები პანდემიის პირობებში?