21-06-2020 16:18

არჩილ თალაკვაძე - მინდა გამოვყო როგორც მმართველი გუნდის, ასევე ოპოზიციის როლი და მხარდაჭერა საკონსტიტუციო ცვლილებების მომზადების პროცესში

არჩილ თალაკვაძე - მინდა გამოვყო როგორც მმართველი გუნდის, ასევე  ოპოზიციის როლი და მხარდაჭერა საკონსტიტუციო ცვლილებების მომზადების პროცესში

პარტია „ქართულმა ოცნებამ“ ხელისუფლებაში ყოფნის პერიოდში პირველად პოლიტიკურ ისტორიაში, მიიღო გადაწყვეტილება, რომ შეცვლილიყო საარჩევნო სისტემა. არც ერთ პოლიტიკურ ძალას, რომელიც წარსულში იყო ხელისუფლებაში, ასეთი გადაწყვეტილება არ მიუღია, - ამის შესახებ საქართველოს პარლამენტის თავმჯდომარე არჩილ თალაკვაძემ პლენარულ სხდომაზე განაცხადა, რომელზეც საკონსტიტუციო ცვლილებებს პირველი მოსმენით განიხილავენ.

თალაკვაძის თქმით, დღევანდელი დღე საქართველოს დემოკრატიული განვითარებისთვის ძალიან მნიშვნელოვანია.

„მე მინდა შეგახსენოთ, რომ სწორედ ჩვენი მოწვევის პარლამენტმა 2018 წელს ჩაატარა საკონსტიტუციო რეფორმა და მიიღო ჩვენი ქვეყნის დემოკრატიული განვითარებისთვის უმნიშვნელოვანესი გადაწყვეტილება. ეს არის საარჩევნო სისტემის სრულად შეცვლა პროპორციული საარჩევნო სისტემის მოდელით. დღეს, ჩვენი ქვეყნის, საქართველოს კონსტიტუციაში ეს ჩანაწერი უკვე არსებობს და ეს უკვე არის ისტორია. 2024 წელს საქართველოს კონსტიტუციის მოქმედი რედაქციის თანახმად, ჩვენი ქვეყანა ჩაატარებს არჩევნებს პროპორციული სისტემით. ეს იყო საკმაოდ გრძელი პოლიტიკური პროცესის შედეგი. არაერთი მოწვევის პარლამენტმა, არაერთმა პოლიტიკურმა თაობამ საქართველოს უახლეს პოლიტიკურ ისტორიაში იკამათა და განიხილა ეს საკითხი, თუმცა ხაზგასმით უნდა აღინიშნოს, რომ ჩვენი ხელისუფლების პირობებში, ჩვენმა პოლიტიკურმა გუნდმა, პარტია „ქართულმა ოცნებამ“ პირველად პოლიტიკურ ისტორიაში, ხელისუფლებაში ყოფნის პერიოდში მიიღო გადაწყვეტილება, რომ შეცვლილიყო საარჩევნო სისტემა. არც ერთ პოლიტიკურ ძალას, რომელიც წარსულში იყო ხელისუფლებაში, ასეთი გადაწყვეტილება არ მიუღია. თუმცა, მისასალმებელია, რომ მათი მხარდაჭერაც ჰქონდა ამ ცვლილებებს ხელისუფლებიდან წასვლის შემდეგ. მინდა გამოვყო როგორც მმართველის გუნდის, ასევე პოლიტიკური ოპოზიციის როლი, მონაწილეობა და მხარდაჭერა ამ პროცესში. მიუხედავად იმისა, რომ ჩვენ ხელი შეგვიშალა გლობალურმა პანდემიამ, საქართველომ, მისმა საზოგადოებამ და ხელისუფლებამ შეძლო ვირუსის გავრცელების შეკავება და შეძლო საკონსტიტუციო რეფორმის პროცესის აღდგენა, მისი ჩატარება ოპტიმალურ ვადებში და ზუსტად დღეს, როდესაც ჩვენ ამ დარბაზში შევიკრიბეთ, ეს პროცესი კანონმდებლობის თანახმად არის დასრულებული. ჩვენ გადავდივართ შემდგომ მნიშვნელოვან ეტაპზე, როდესაც საქართველოს პარლამენტმა, თქვენ კოლეგებო, უნდა მიიღოთ გადაწყვეტილება საარჩევნიო სისტემის ცვლილებასთან დაკავშირებით“, - მიმართა თალაკვაძემ დეპუტატებს.

[ წყარო - https://www.interpressnews.ge/ ]

კომენტარები
მსგავსი სიახლეები
დღის ბოლო სიახლეები
დაემატა: დღეს, 22:41
რა უჯდება ეროვნულ ბანკს ეროვნული ვალუტის სტაბილურობა
დაემატა: დღეს, 21:53
„ადამიანები მოდელებს იღებენ კონკრეტული სიტუაციებიდან და, ამიტომ, კომპიუტერული თამაშები დიდ გავლენას ახდენს მათზე“
დაემატა: დღეს, 21:51
ილჰამ ალიევი - მტერმა ადეკვატური პასუხი მიიღო, ჩვენი ჯარისკაცების გამო შური ვიძიეთ და ასე იქნება მომავალშიც
დაემატა: დღეს, 21:50
სამშენებლო ან სხვა ინერტული ნარჩენით გარემოს დაბინძურებაზე ჯარიმები იზრდება
დაემატა: დღეს, 21:49
ნაგვის დაყრისთვის ჯარიმები იზრდება
ყველა სიახლე
ინტერვიუ
ივანე ჩხაიძე: 2 წლამდე ასაკის ბავშვებისათვის ეკრანთან ურთიერთობა კატეგორიულად აკრძალულია!
01-07-2020 13:25
ივანე ჩხაიძე: 2 წლამდე ასაკის ბავშვებისათვის ეკრანთან ურთიერთობა კატეგორიულად აკრძალულია!
ვაჟა ბერიძე - ხედვების ერთობლიობა „ოცნების“  საქმიანობაში არ იკვეთება, არადა, ელექტორატის 40-45%  აუცილებლად დაუსვამს ივანიშვილს კითხვას - რას აპირებთ? რატომ უნდა დაგიჭიროთ მხარი?
26-06-2020 16:33
ვაჟა ბერიძე - ხედვების ერთობლიობა „ოცნების“ საქმიანობაში არ იკვეთება, არადა, ელექტორატის 40-45% აუცილებლად დაუსვამს ივანიშვილს კითხვას - რას აპირებთ? რატომ უნდა დაგიჭიროთ მხარი?
ლადო პაპავა - მოსახლეობა პოზიტიური დღის წესრიგის მოლოდინშია
26-06-2020 16:30
ლადო პაპავა - მოსახლეობა პოზიტიური დღის წესრიგის მოლოდინშია
რა სიახლეები დახვდებათ ამომრჩევლებს უბნებზე და როგორ ჩატარდება არჩევნები პანდემიის პირობებში?
11-06-2020 14:47
რა სიახლეები დახვდებათ ამომრჩევლებს უბნებზე და როგორ ჩატარდება არჩევნები პანდემიის პირობებში?