26-06-2020 22:59

ჰუბერტ ქნირში - ბატონი რურუა არ არის ნახსენები 8 მარტის შეთანხმებაში, ეს არის მკაფიო და ყველას შეუძლია ამის წაკითხვა

ჰუბერტ ქნირში - ბატონი რურუა არ არის ნახსენები 8 მარტის შეთანხმებაში, ეს არის მკაფიო და ყველას შეუძლია ამის წაკითხვა

ბატონი რურუა არ არის ნახსენები 8 მარტის შეთანხმებაში, ეს არის ძალიან მკაფიო და ყველას შეუძლია ამის წაკითხვა, – განაცხადა ჟურნალისტებთან საუბრისას საქართველოში გერმანიის ელჩმა, ჰუბერტ ქნირშმა.

„მთავარი პრობლემა, რომლის წინაშეც ვიყავით, იყო ის, რომ პოლარიზაცია საქართველოში პოლიტიკურ ძალებს შორის იმდენად ძლიერი იყო, რომ მათ არ შეეძლოთ, შეხვედროდნენ და კომპრომისზე ემუშავათ დიპლომატების გარეშე. სწორედ ამიტომ, ჩვენ ვიკისრეთ ეს როლი. მოლაპარაკებების 90 პროცენტი კონცენტრირებული იყო საარჩევნო სისტემაზე, პირდაპირი წესით არჩეული დეპუტატების რაოდენობაზე. რიცხვთან დაკავშირებით, რომელიც საბოლოდ იქნა შეთანხმებული – 30, რთული მოლაპარაკებები მიდიოდა თვეების განმავლობაში.

რეალურად, უშუალოდ მოლაპარაკებების პროცესში პოლარიზაცია ასეთი ძლიერი არ აღმოჩნდა, დიპლომატების თანდასწრებით ადამიანებს ჰქონდათ გონივრული მოლაპარაკებები, ისინი იყენებდნენ არგუმენტებს და ჩვენ დავინახეთ, რომ ეს შესაძლებელია ქართულ პოლიტიკაში და გარკვეული მოთმინების შედეგად ჩვენ მივედით 8 მარტის კონსენსუსამდე“, – განაცხადა გერმანიის ელჩმა.

მისივე თქმით, მომავალი ორშაბათი შეთანხმების შესასრულებლად იქნება გადამწყვეტი დღე.

„ვიმედოვნებ, რომ ყველა პოლიტიკური ძალა, რომელიც იყო რვა მარტის შეთანხმების ნაწილი, მათი წარმომადგენლები პარლამენტში მიიღებენ მონაწილეობას კენჭისყრაში და მხარს დაუჭერენ საკონსტიტუციო ცვლილებებს, რომელზეც შეთანხმება რვა მარტს იყო მიღწეული. როგორც ფასილიტატორების ჯგუფმა, ჩვენ ამასთან დაკავშირებით დამატებითი განცხადება გავავრცელეთ ერთი კვირის წინ, სადაც აბსოლუტურად მკაფიოდ ნათქვამია, რომ ჩვენ ვისურვებდით, რომ ყველა ძალამ დაუჭიროს მხარი ამ საკონსტიტუციო ცვლილებებს, რაც არის ჩვენი ხანგრძლივი მოლაპარაკებების შედეგი.

ბატონი რურუა არ არის ნახსენები ამ შეთანხმებაში. ეს არის ძალიან მკაფიო და ყველას შეუძლია ამის წაკითხვა. ცოტათი გაკვირვებული ვარ, რომ ახლა არის განხილვის საკითხი პოლიტიკურ პარტიებს შორის შესწორებების შესაძლო ჩავარდნაზე დანაშაულის მიწერა – ოპოზიცია აცხადებს, რომ თუკი საკონსტიტუციო ცვლილებები ჩავარდება პარლამენტში, უმრავლესობის პარტია იქნება დამნაშავე ამაში, უმრავლესობა კი, რა თქმა უნდა, აცხადებს, რომ თუ ის ჩავარდება, ის ჩავარდება იმიტომ, რომ თქვენ არ მიიღეთ მონაწილეობა კენჭისყრაში.

მნიშვნელოვანია ითქვას, რომ საქმე არ ეხება დადანაშაულებას, არამედ დამსახურებასა და შექებას. თუ ეს საკონსტიტუციო ცვლილებები დამტკიცდება და ვიმედოვნებ, რომ ეს ასე მოხდება, მაშინ შექებას დაიმსახურებენ ისინი, ვინც მას მხარი დაუჭირა პარლამენტში“, – აცხადებს ჰუბერტ ქნირში.

ავტორი - ქეთი ჩოხელი

[ წყარო - https://1tv.ge/ ]

კომენტარები
მსგავსი სიახლეები
დღის ბოლო სიახლეები
დაემატა: გუშინ, 23:03
მიხეილ სააკაშვილი უკრაინაში მორიგ სკანდალში გაეხვა
დაემატა: გუშინ, 21:32
ცხინვალის ე.წ. საგარეო უწყება - თბილისი განაგრძობს სხვისი მიწების დაპყრობისა და რევანშის შესახებ ოცნებას
დაემატა: გუშინ, 21:14
მთავრობას საგანგებო მდგომარეობის გარეშე​ გარკვეული შეზღუდვების გატარების უფლება შესაძლოა, 2020 წლის ბოლომდე გაუხანგრძლივდეს
დაემატა: გუშინ, 21:13
დონალდ ტრამპი: აშშ-ში გამოვლენილი კორონავირუსის შემთხვევების 99% აბსოლუტურად უვნებელია
დაემატა: გუშინ, 21:12
ჩინეთში, შიდა მონღოლეთის ავტონომიურ რეგიონში შავი ჭირის გავრცელების საშიშროების გამო, საფრთხის მესამე დონე გამოცხადდა
ყველა სიახლე
ინტერვიუ
ივანე ჩხაიძე: 2 წლამდე ასაკის ბავშვებისათვის ეკრანთან ურთიერთობა კატეგორიულად აკრძალულია!
01-07-2020 13:25
ივანე ჩხაიძე: 2 წლამდე ასაკის ბავშვებისათვის ეკრანთან ურთიერთობა კატეგორიულად აკრძალულია!
ვაჟა ბერიძე - ხედვების ერთობლიობა „ოცნების“  საქმიანობაში არ იკვეთება, არადა, ელექტორატის 40-45%  აუცილებლად დაუსვამს ივანიშვილს კითხვას - რას აპირებთ? რატომ უნდა დაგიჭიროთ მხარი?
26-06-2020 16:33
ვაჟა ბერიძე - ხედვების ერთობლიობა „ოცნების“ საქმიანობაში არ იკვეთება, არადა, ელექტორატის 40-45% აუცილებლად დაუსვამს ივანიშვილს კითხვას - რას აპირებთ? რატომ უნდა დაგიჭიროთ მხარი?
ლადო პაპავა - მოსახლეობა პოზიტიური დღის წესრიგის მოლოდინშია
26-06-2020 16:30
ლადო პაპავა - მოსახლეობა პოზიტიური დღის წესრიგის მოლოდინშია
რა სიახლეები დახვდებათ ამომრჩევლებს უბნებზე და როგორ ჩატარდება არჩევნები პანდემიის პირობებში?
11-06-2020 14:47
რა სიახლეები დახვდებათ ამომრჩევლებს უბნებზე და როგორ ჩატარდება არჩევნები პანდემიის პირობებში?