16-12-2019 16:39

ბათუმში განათლებისა და მეცნიერების ქალაქის მშენებლობა იწყება

ბათუმში განათლებისა და მეცნიერების ქალაქის მშენებლობა იწყება

საქართველოს განათლების, მეცნიერების, კულტურისა და სპორტის მინისტრმა მიხეილ ჩხენკელმა და აჭარის ავტონომიური რესპუბლიკის მთავრობის თავმჯდომარემ თორნიკე რიჟვაძემ ბათუმში, განათლებისა და მეცნიერების ქალაქის პროექტის ფარგლებში, თბილისის ვლადიმირ კომაროვის ფიზიკა-მათემატიკის N199 საჯარო სკოლის ფილიალისა და საცხოვრებელი კამპუსის მშენებლობის ადგილზე სიმბოლური კაფსულა ჩადეს.

„დღეს ბათუმში დავიწყეთ განათლებისა და მეცნიერების ქალაქის მშენებლობა. ეს გახლავთ უაღრესად მნიშვნელოვანი პროექტი, რომელსაც ჩვენი სამინისტრო აჭარის მთავრობასთან ერთად ახორციელებს. აქ აშენდება კომაროვის სკოლის ფილიალი, ასევე პროფესიული კოლეჯი, მულტიფუნქციური სივრცე. აქ იქნება სპორტული მოედნები, რაც ყველა პირობას შეუქმნის ჩვენს ახალგაზრდებს, რომ კარგად ისწავლონ, დაეუფლონ ცოდნას. ასევე, მინდა, ხაზგასმით აღვნიშნო, რომ ჩვენ აქ მოვიწვევთ ჩვენს სახელოვან მეცნიერებს, რომლებიც შეხვდებიან მოსწავლეებს და დიდი იმედი გვაქვს, რომ მოსწავლეებში გაიღვიძებს მეცნიერებისადმი და შემოქმედებითი აზროვნებისადმი სიყვარული. დარწმუნებული ვარ, რომ ეს ქალაქი იქნება უაღრესად წარმატებული. ასეთი ქალაქები აშენდება საქართველოს სხვა რეგიონებშიც. მინდა მივულოცო აჭარას, ბათუმს და მთელ საქართველოს“, – განაცხადა მიხეილ ჩხენკელმა სიმბოლური კაფსულის ჩადების ცერემონიალზე.

ღონისძიებაში ასევე მონაწილეობდა აჭარის ავტონომიური რესპუბლიკის განათლების, მეცნიერების, კულტურისა და სპორტის მინისტრი მაია ხაჯიშვილი.

განათლების, მეცნიერების, კულტურისა და სპორტის სამინისტროს ინფორმაციით, 250 მოსწავლეზე გათვლილ კომაროვის სკოლის ბათუმის ფილიალის თანამედროვე ტიპის შენობაში მოეწყობა საბუნებისმეტყველო და კომპიუტერული ლაბორატორიები, ბიბლიოთეკა, საკონფერენციო და სპორტული დარბაზები, ასევე, სპორტული მოედანი. სკოლა აღიჭურვება თანამედროვე სასკოლო ინვენტარით. პროექტის ფარგლებში აშენდება 100 მოსწავლეზე გათვლილი საცხოვრებელი კამპუსი.

ბათუმის კომაროვის სკოლის ფილიალისა და საცხოვრებელი კამპუსის პროექტის მშენებლობის ღირებულება 11 399 994 ლარია. პროექტს საქართველოს განათლების, მეცნიერების, კულტურისა და სპორტის სამინისტროს სსიპ საგანმანათლებლო და სამეცნიერო ინფრასტრუქტურის განვითარების სააგენტო ახორციელებს.

ბათუმის „განათლებისა და მეცნიერების ქალაქის“ კონცეფცია ასევე ითვალისწინებს კომაროვის სკოლის მიმდებარე ტერიტორიაზე პროფესიული სასწავლებლის, „ბლექსის“, მულტიფუნქციური ცენტრისა და ხელოვნების სკოლის მშენებლობას. პროექტი საქართველოს განათლების, მეცნიერების, კულტურისა და სპორტის სამინისტროსა და აჭარის ავტონომიური რესპუბლიკის მთავრობის მხარდაჭერით ხორციელდება.

სამინისტროს ინფორმაციით, განათლების რეფორმის ერთ-ერთ პრიორიტეტს თანამედროვე ინფრასტრუქტურის შექმნა წარმოადგენს, რომელიც ხელს შეუწყობს საგანმანათლებლო პროცესის თანამედროვე და ტექნოლოგიურად გამართულ გარემოში წარმართვას. ამასთანავე, მნიშვნელოვანია სწავლების ყველა ეტაპზე როგორც უახლეს ტექნოლოგიებთან წვდომის გაზრდა, ასევე მომავალ თაობაში პროფესიული უნარების განვითარება და ჯანსაღი ცხოვრების წესის დამკვიდრება. სამინისტროში აცხადებენ, რომ სწორედ ამ მიზანს ემსახურება თბილისსა და ბათუმში „განათლებისა და მეცნიერების ქალაქების“ მშენებლობა.

[ წყარო - https://1tv.ge/ ]

კომენტარები
მსგავსი სიახლეები
დღის ბოლო სიახლეები
დაემატა: დღეს, 19:46
1 აშშ დოლარის ოფიციალური ღირებულება 2.9841 ლარი გახდა
დაემატა: დღეს, 19:45
საგანგებო მდგომარეობის პირობებში, შსს-ს მიერ დარღვევის 8 737 ფაქტი გამოვლინდა, დაჯარიმდა 8 716 ფიზიკური და 21 იურიდიული პირი
დაემატა: დღეს, 14:32
მიხეილ კალანდიას ბიძის განცხადებით, სარალიძის მკვლელობისთვის მსჯავრდებულ გიორგი ჯანაშიას ათავისუფლებენ
დაემატა: დღეს, 14:27
ზაზა გაბუნია - მოქალაქეები „სითი პარკის“ გადაუხდელი ჯარიმებისგან გათავისუფლდებიან
დაემატა: დღეს, 14:25
მეუფე შიო - ვევედროთ ღირს დავით გარეჯელს, რომ უდაბნოსა და ჩიჩხიტურის მონასტრებში შევძლოთ წირვა-ლოცვა
ყველა სიახლე
ინტერვიუ
ხათუნა ლაგაზიძე - „ოცნება“ ცეცხლს კი არა, ქარიშხალს ეთამაშება
19-05-2020 14:56
ხათუნა ლაგაზიძე - „ოცნება“ ცეცხლს კი არა, ქარიშხალს ეთამაშება
ვაჟა ოთარაშვილი: ტაძარი არ არის ენ-ჯე-ოს ოფისი, რომ დაკეტო. ტაძარი გულია, რომლის გაჩერებაც არ შეიძლება!
08-04-2020 16:37
ვაჟა ოთარაშვილი: ტაძარი არ არის ენ-ჯე-ოს ოფისი, რომ დაკეტო. ტაძარი გულია, რომლის გაჩერებაც არ შეიძლება!
ირაკლი გოგავა: ინდუსტრიის გარეშე არ არსებობს არც ერთი განვითარებული სახელმწიფო. სხვაგვარად სიღარიბისთვის ვართ განწირულნი
13-02-2020 15:26
ირაკლი გოგავა: ინდუსტრიის გარეშე არ არსებობს არც ერთი განვითარებული სახელმწიფო. სხვაგვარად სიღარიბისთვის ვართ განწირულნი
ვაჟა ბერიძე - თუ ივანიშვილმა ვერ მოძებნა საზოგადოებასთან მისვლის გზა, არ გაარკვია მის რომელ ნაწილს წარმოადგენს, სავარაუდოდ, ოპოზიციის სცენარი განხორციელდება
11-02-2020 19:55
ვაჟა ბერიძე - თუ ივანიშვილმა ვერ მოძებნა საზოგადოებასთან მისვლის გზა, არ გაარკვია მის რომელ ნაწილს წარმოადგენს, სავარაუდოდ, ოპოზიციის სცენარი განხორციელდება