28-12-2019 00:05

სოფო კილაძე - ვალდებული ვარ, ეკა ბესელიასთან დაკავშირებით ჩემ ხელთ არსებული ინფორმაცია მივაწოდო შესაბამის უწყებებს, თუ დაინტერესდებიან

სოფო კილაძე - ვალდებული ვარ, ეკა ბესელიასთან დაკავშირებით ჩემ ხელთ არსებული ინფორმაცია მივაწოდო შესაბამის უწყებებს, თუ დაინტერესდებიან

პარლამენტის ადამიანის უფლებათა დაცვის კომიტეტის თავმჯდომარე სოფო კილაძე აცხადებს, რომ არ იცის, დაწყებულია თუ არა დეპუტატ ეკა ბესელიას მიმართ გამოძიება შესაძლო კორუფციულ საქმიანობასთან დაკავშირებით.

ამასთან, როგორც კილაძემ ჟურნალისტებთან განაცხადა, უკვირს, რატომ არ გადადგა გენერალურმა პროკურატურამ აქამდე შესაბამისი ნაბიჯები ამ მიმართულებით.

„არ ვიცი, ნამდვილად არის თუ არა გამოძიება დაწყებული, მაგრამ ფაქტია, რომ როცა ადამიანის უფლებათა კომიტეტის თავმჯდომარე გავხდი, კითხვები, რომელიც არსებობდა საზოგადოებაში ბესელიას მიმართ მის შესაძლო კორუფციულ საქმიანობასთან დაკავშირებით, კიდევ უფრო გამიმრავლდა და ამ კითხვების შესახებ დავიწყე გუნდში საუბარი. ეს იყო საფუძველი, რომ ბესელიამ აღმიქვა პირად მტრად და აბსოლუტურად ყველგან, საერთაშორისო ორგანიზაციებში, არასამთავრობო ორგანიზაციებში ჩემი სახელის დისკრედიტაციას ახდენდა. ამის მიზეზი იყო მარტივი, რომ მე, ახალმა მოსულმა პოლიტიკოსმა გავბედე მის შესაძლო კორუფციულ საქმიანობაზე საუბარი“, – განაცხადა კილაძემ.

დეპუტატი ამბობს, რომ ეკა ბესელიას მხრიდან კონკრეტულ კითხვებზე პასუხის გაცემა მოითხოვა უმრავლესობის ერთ-ერთ სხდომაზე, რომელსაც „ქართული ოცნების“ თავმჯდომარე ბიძინა ივანიშვილიც ესწრებოდა. მისი თქმით, ამას ბესელიას მხრიდან ნეგატიური რეაქცია მოჰყვა.

„უმრავლესობის ერთ-ერთ სხდომაზე, რომელსაც ბიძინა ივანიშვილი ესწრებოდა და ეს სხდომა მიჰყავდა, მოვითხოვე კონკრეტულ კითხვებზე პასუხების გაცემა ეკა ბესელიას მხრიდან, რაზეც მას თავად ჰქონდა ძალიან ნეგატიური რეაქცია და გარკვეული სცენები მოაწყო. მას გადაეფარნენ ლევან გოგიჩაიშვილი და გედი ფოფხაძე და ბიძინა ივანიშვილმა მთხოვა, შემეჩერებინა კითხვების დასმა, რათა სიტუაცია მეტად არ გამწვავებულიყო. იმის შემდეგ ამაზე ფაქტობრივად რეაგირება არ ყოფილა“, – აღნიშნა დეპუტატმა.

მისი თქმით, აღნიშნულ კითხვებზე ბევრი დეპუტატი საუბრობდა მანამდეც.

„ბევრი დეპუტატი საუბრობდა მანამდეც ამ კითხვის ნიშნებზე, მე არ ვიყავი ერთადერთი. იქიდან გამომდინარე, რომ ამ კომიტეტის საქმიანობაში უფრო მეტად ჩავიხედე, როგორც კომიტეტის თავმჯდომარემ, მეტი ინფორმაცია მქონდა. კონკრეტულ თემებზე შეგნებულად არ და ვერ ვისაუბრებ. თუ ბესელია საჭიროდ ჩათვლის, სარჩელი სასამართლოში შეიტანოს, მზად ვარ, იქ ვისაუბრო. როცა ბესელია „ქართული ოცნების“ რიგებში იყო, თუ მის მიმართ კითხვები იყო, უნდა გადადგმულიყო შესაბამისი ნაბიჯები. როცა ახალ დეპუტატს კითხვები გამიჩნდა, მაშინვე ამაზე საუბარი დავიწყე“, – აღნიშნა კილაძემ.

მისივე თქმით, საკუთარი უფლებამოსილების ფარგლებში ყველაფერი გააკეთა, რომ კითხვებს პასუხი გასცემოდა.

„მიუხედავად იმისა, რომ ბესელია პირად მტრად აღმიქვამდა, ეს პროცესი ჩემთვის სასიამოვნო არ არის და დადებითად არ ვარ იმ პროცესზე განწყობილი, რომელიც შეიძლება, დაიწყო და შეიძლება დაიწყოს კიდეც. ვალდებული ვარ, შესაბამის უწყებებს მივაწოდო ჩემ ხელთ არსებული ინფორმაცია, თუ დაინტერესდებიან“, – განაცხადა სოფო კილაძემ.



ავტორი - თეონა მანაგაძე

[ წყარო - https://1tv.ge/ ]

კომენტარები
მსგავსი სიახლეები
დღის ბოლო სიახლეები
დაემატა: დღეს, 21:14
ირმა ინაშვილი - მხარს ვუჭერთ 120/30-ზე ვარიანტს, ვინაიდან პროპორციულის სასარგებლოდ გარკვეულ დათმობაზე მაინც წავიდნენ- სახელმწიფოებრივად ვაზროვნებთ
დაემატა: დღეს, 19:46
1 აშშ დოლარის ოფიციალური ღირებულება 2.9841 ლარი გახდა
დაემატა: დღეს, 19:45
საგანგებო მდგომარეობის პირობებში, შსს-ს მიერ დარღვევის 8 737 ფაქტი გამოვლინდა, დაჯარიმდა 8 716 ფიზიკური და 21 იურიდიული პირი
დაემატა: დღეს, 14:32
მიხეილ კალანდიას ბიძის განცხადებით, სარალიძის მკვლელობისთვის მსჯავრდებულ გიორგი ჯანაშიას ათავისუფლებენ
დაემატა: დღეს, 14:27
ზაზა გაბუნია - მოქალაქეები „სითი პარკის“ გადაუხდელი ჯარიმებისგან გათავისუფლდებიან
ყველა სიახლე
ინტერვიუ
ხათუნა ლაგაზიძე - „ოცნება“ ცეცხლს კი არა, ქარიშხალს ეთამაშება
19-05-2020 14:56
ხათუნა ლაგაზიძე - „ოცნება“ ცეცხლს კი არა, ქარიშხალს ეთამაშება
ვაჟა ოთარაშვილი: ტაძარი არ არის ენ-ჯე-ოს ოფისი, რომ დაკეტო. ტაძარი გულია, რომლის გაჩერებაც არ შეიძლება!
08-04-2020 16:37
ვაჟა ოთარაშვილი: ტაძარი არ არის ენ-ჯე-ოს ოფისი, რომ დაკეტო. ტაძარი გულია, რომლის გაჩერებაც არ შეიძლება!
ირაკლი გოგავა: ინდუსტრიის გარეშე არ არსებობს არც ერთი განვითარებული სახელმწიფო. სხვაგვარად სიღარიბისთვის ვართ განწირულნი
13-02-2020 15:26
ირაკლი გოგავა: ინდუსტრიის გარეშე არ არსებობს არც ერთი განვითარებული სახელმწიფო. სხვაგვარად სიღარიბისთვის ვართ განწირულნი
ვაჟა ბერიძე - თუ ივანიშვილმა ვერ მოძებნა საზოგადოებასთან მისვლის გზა, არ გაარკვია მის რომელ ნაწილს წარმოადგენს, სავარაუდოდ, ოპოზიციის სცენარი განხორციელდება
11-02-2020 19:55
ვაჟა ბერიძე - თუ ივანიშვილმა ვერ მოძებნა საზოგადოებასთან მისვლის გზა, არ გაარკვია მის რომელ ნაწილს წარმოადგენს, სავარაუდოდ, ოპოზიციის სცენარი განხორციელდება