17-01-2020 17:41

გიგა ბოკერია - ირაკლი შოთაძის პროკურატურაში დაბრუნება აგონიაში მყოფი ხელისუფლების ნიშანია

გიგა ბოკერია - ირაკლი შოთაძის პროკურატურაში დაბრუნება აგონიაში მყოფი ხელისუფლების ნიშანია

„ევროპული საქართველოს“ წევრის გიგა ბოკერიას განცხადებით, ირაკლი შოთაძის კანდიდატურის გენერალური პროკურორის თანამდებობაზე წარდგენა საზოგადოების მიმართ უპატივცემულობის მაგალითი და კიდევ ერთი ნიშანია იმისა, რომ ხელისუფლება აგონიაში იმყოფება.

მისივე თქმით, მნიშვნელოვანია, ხელისუფლება არჩევნების გზით შეიცვალოს.

„პირველი, ეს არის აგონიის ნიშანი, როცა ასეთ შეურაცხყოფაზე მიდიხარ საზოგადოების, მათ შორის, საკუთარი თანაგუნდელების, ვინც მაშინ იყვნენ აღშფოთებულები და მხარს უჭერდნენ მის გადადგომას, რადგან უდიდესი შეურაცხყოფა მიაყენა ყველას, როცა ჩაფარცხა, ასეთ გახმაურებულ, ტრაგიკულ შემთხვევაზე ხელი დააფარა მკვლელობას. თუ კი ვინმეს სჭირდებოდა, ეს არის კიდევ ერთი არგუმენტი, რატომ არის დღევანდელი ხელისუფლება აგონიაში მყოფი და რეჟიმი არჩევნების გზით ხელისუფლებიდან ჩამოსაცილებელი. რა თქმა უნდა, ეს არის კიდევ ერთი დასტური ივანიშვილის ეჭვიანობის და იმის, თუ როგორ პანიკაშია, რომ მოუწია ასეთი რამის გაკეთება, ვინაიდან არ ენდობა სხვას. ეს არაფერს ცვლის, რადგან ნებისმიერი სხვა მარიონეტი და კლოუნი იგივე დაკვეთებს შეასრულებდა, რასაც შოთაძე. ნიშანი არის აგონიის, ივანიშვილის პოლიტიკური დასასრულის და კიდევ ერთი მაგალითი საზოგადოების მიმართ უპატივცემულობის“,- განაცხადა გიგა ბოკერიამ.

იურისტ ირაკლი შოთაძის კანდიდატურა საპროკურორო საბჭოს საჯარო სამართლის იურიდიულმა პირმა „საქართველოს ტექნიკურმა უნივერსიტეტმა“ გუშინ წარუდგინა.

დღეისთვის საქართველოს გენერალური პროკურორის ვაკანტურ თანამდებობაზე საპროკურორო საბჭოსთვის 14 კანდიდატია წარდგენილი.

საქართველოს გენერალური პროკურორის თანამდებობაზე დანიშვნის წესის თანახმად, ერთთვიანი კონსულტაციების შედეგად საპროკურორო საბჭო შეარჩევს გენერალური პროკურორობის არანაკლებ 3 კანდიდატს.

გენერალური პროკურორობის კანდიდატებს საპროკურორო საბჭოს სხდომაზე ცალ-ცალკე ეყრებათ კენჭი. საპროკურორო საბჭო შერჩეულ კანდიდატს შესაბამისი დასაბუთებით წარუდგენს საქართველოს პარლამენტს, რომელიც სრული შემადგენლობის უმრავლესობით ირჩევს საქართველოს გენერალურ პროკურორს.

[ წყარო - https://1tv.ge/ ]

კომენტარები
მსგავსი სიახლეები
დღის ბოლო სიახლეები
დაემატა: გუშინ, 21:22
კორონავირუსით მსოფლიოს 31 ქვეყანაში 127 ჟურნალისტი დაიღუპა
დაემატა: გუშინ, 16:01
საქართველოდან თხილის ექსპორტი გაიზარდა - Top-6 ქვეყანა, სადაც ქართული თხილი გადის
დაემატა: გუშინ, 15:50
ბათუმში ღვთისმშობლის შობის სახელობის ტაძარი გაქურდეს
დაემატა: გუშინ, 15:45
Turkish Airlines-ი საერთაშორისო ფრენებს 18 ივნისიდან განაახლებს
დაემატა: გუშინ, 15:44
რუსეთში კორონავირუსის საწინააღმდეგო ვაქცინას 50 სამხედრო მოსამსახურეზე გამოცდიან
ყველა სიახლე
ინტერვიუ
ხათუნა ლაგაზიძე - „ოცნება“ ცეცხლს კი არა, ქარიშხალს ეთამაშება
19-05-2020 14:56
ხათუნა ლაგაზიძე - „ოცნება“ ცეცხლს კი არა, ქარიშხალს ეთამაშება
ვაჟა ოთარაშვილი: ტაძარი არ არის ენ-ჯე-ოს ოფისი, რომ დაკეტო. ტაძარი გულია, რომლის გაჩერებაც არ შეიძლება!
08-04-2020 16:37
ვაჟა ოთარაშვილი: ტაძარი არ არის ენ-ჯე-ოს ოფისი, რომ დაკეტო. ტაძარი გულია, რომლის გაჩერებაც არ შეიძლება!
ირაკლი გოგავა: ინდუსტრიის გარეშე არ არსებობს არც ერთი განვითარებული სახელმწიფო. სხვაგვარად სიღარიბისთვის ვართ განწირულნი
13-02-2020 15:26
ირაკლი გოგავა: ინდუსტრიის გარეშე არ არსებობს არც ერთი განვითარებული სახელმწიფო. სხვაგვარად სიღარიბისთვის ვართ განწირულნი
ვაჟა ბერიძე - თუ ივანიშვილმა ვერ მოძებნა საზოგადოებასთან მისვლის გზა, არ გაარკვია მის რომელ ნაწილს წარმოადგენს, სავარაუდოდ, ოპოზიციის სცენარი განხორციელდება
11-02-2020 19:55
ვაჟა ბერიძე - თუ ივანიშვილმა ვერ მოძებნა საზოგადოებასთან მისვლის გზა, არ გაარკვია მის რომელ ნაწილს წარმოადგენს, სავარაუდოდ, ოპოზიციის სცენარი განხორციელდება