COVID - 19
19-10-2019 22:06

გიორგი ოთხმეზური პოლიტიკაში მიდის - ვისთან ერთიანდება ცნობილი ისტორიკოსი

გიორგი ოთხმეზური პოლიტიკაში მიდის - ვისთან ერთიანდება ცნობილი ისტორიკოსი

ისტორიკოსი გიორგი ოთხმეზური პოლიტიკურად გააქტიურებას აპირებს. ამის შესახებ ინფორმაციას „ტვ პირველი“ ექსკლუზიურად ავრცელებს.

სკანდალური შეწყალების შემდეგ ისტორიკოსი საქართველოს პრეზიდენტს დაუპირისპირდა, ზურაბიშვილის შეწყალების აქტის თანახმად, ციხიდან გიორგი ოთხმეზურის შვილის მკვლელი გათავისუფლდა.

როგორც ის აცხადებს, პოლიტიკურ აქტიურობას სოციალ-დემოკრატული პარტიის ლიდერთან, გია ჟორჟოლიანთან ერთად აპირებს.

„გია ჩემი დიდი ხნის მეგობარია. წესიერი, აზრიანი კაცია. საკმაოდ კარგი პროგრამა აქვს. მე ყველანაირად შევეცდები, რომ მხარი დავუჭირო. დეტალებზე საუბარი ჯერ ადრეა.

მინდა პარლამენტში ისეთი ძალა შეიქმნას, რომელიც მოახერხებს და „ნაციონალურ მოძრაობას“ თავისი „ევროპული საქართველოიანად“ ჩააჩოჩებს. ეს იქნება ყველაზე მნიშვნელოვანი. ჟორჟოლიანის პარტია მოახერხებს, რომ ამაში გარკვეული დოზით მიიღოს მონაწილეობა“, - ამბობს ისტორიკოსი.

რაც შეეხება შეწყალების თემას, გიორგი ოთხმეზური ამბობს, რომ ამაზე კომენტარს არ აკეთებს.

„ამ თემაზე არ ვსაუბრობ. რა ეტაპზეა გამოძიება არ ვიცი, მე ანგარიშს არავინ მაბარებს“, - ამბობს ოთხმეზური.

წყარო -> https://www.primetime.ge

კომენტარები
        მსგავსი სიახლეები