COVID - 19
14-11-2019 15:40

ქართველი ხალხი უნდა დაირაზმოს – მიხეილ სააკაშვილი

ქართველი ხალხი უნდა დაირაზმოს – მიხეილ სააკაშვილი

პროპორციული საარჩევნო სისტემის ჩაგდების შემდეგ საქართველოს ყოფილი პრეზიდენტი მიხეილ სააკაშვილი ხალხს მშვიდობიანი მობილიზაციისკენ მოუწოდებს.

“როგორც მოსალოდნელი იყო, ივანიშვილმა ყველა გადააგდო და გააცუცურაკა. მე ერთი რამე ვიცი: მალე მოდის გიორგობის დღესასწაული, 23 ნოემბერი, ქართველი ხალხი უნდა დაირაზმოს, გააკეთოს მშვიდობიანი მობილიზაცია. ამ რეჟიმს არანაირი ლეგიტიმაცია აღარ აქვს. ასე რომ, ყველაფერი ჩვენზეა დამოკიდებული. ძალა ერთობაშია, მეგობრებო. დარწმუნებული ვარ, ყველაფერი გამოგვივა”, – აცხადებს მიხეილ სააკაშვილი ვიდეომიმართვაში, რომელსაც ფეისბუკზე აქვეყნებს.

პარლამენტმა პროპორციულ სისტემაზე გადასვლის შესახებ საკონსტიტუციო ცვლილების პროექტი დღეს, 14 ნოემბერს ჩააგდო. ინიციატივას 101-მა დეპუტატმა დაუჭირა მხარი, 3-ის წინააღმდეგ.

21-21 ივნისის აქციების შემდეგ “ქართული ოცნების” ხელისუფლებამ თქვა, რომ წავიდოდა კომპრომისზე და 2020 წლის საპარლამენტო არჩევნებს პროპორციული სისტემით ჩაატარებდა, ნაცვლად მანამდე დაგეგმილი 2024 წლის არჩევნებისა.

საბოლოოდ, “ოცნების” დეპუტატების ნაწილმა თქვა, რომ მათ დაპირების შესრულება გადაიფიქრეს.
წყარო >> https://netgazeti.ge/

კომენტარები
        მსგავსი სიახლეები