COVID - 19
22-11-2019 00:11

ირმა ინაშვილი - დავით გარეჯთან დაკავშირებით ხელისუფლება დუმილს ამჯობინებს, რადგან სამოქმედო გეგმა არ გააჩნია [იხ. ვიდეო]

ირმა ინაშვილი - დავით გარეჯთან დაკავშირებით ხელისუფლება დუმილს ამჯობინებს, რადგან სამოქმედო გეგმა არ გააჩნია [იხ. ვიდეო]

კათალიკოს პატრიარქის მოწოდების მიუხედავად, დავით გარეჯის სამონასტრო კომპლექსი ჯერ კიდევ საქართველოსა და აზერბაიჯანს შორის სადაო ტერიტორიად რჩება. ხელისუფლებისგან ტრადიციული, არაერთი დაპირებების მიუხედავად, დავით გარეჯის სამონასტრო კომპლექსის საკითხი გადაუჭრელია. დავით გარეჯის მღვდელთმსახური ყვება, რომ ადგილზე მდგომარეობა კვლავ მძიმეა და ამით მოქმედი ხელისუფლება აღარ ინტერესდება.



ადგილობრივი გიდი, ზვიად ანანიაშვილი განმარტავს, რომ ადგილზე მდგომარეობა უცვლელია, ხელისუფლების წარმომადგენლებისგან კი ქმედითი ნაბიჯები არ ჩანს. ანანიაშვილის გაკვირვებას იწვევს ის, თუ რატომ მიივიწყა მთავრობამ გარეჯის სამონასტრო კომპლექსი. ადგილობრივი გიდი ხელისუფლების წარმომადგენლებს მოუწოდებს, დაინტერესდნენ სამონასტრო კომპლექსის მდგომარეობით, რათა ქართველმა ერმა კიდევ არ დაკარგოს ტერიტორია.



ხელისუფლებისგან განსხვავებით, უდაბნოსა და ჩიჩხიტურის კოშკი არ დავიწყებია „საქართველოს პატრიოთა ალიანსს“. პატრიოტების გენერალურმა მდივანმა დავით გარეჯის სამონასტრო კომპლექტში არსებულ მდგომარეობაზე ისაუბრა და განმარტა, რომ ხელისუფლება დუმილს ამჯობინებს, რადგან სამოქმედო გეგმა არ გააჩნია. პარლამენტის ვიცე-სპიკერი არ გამორიცხავს, რომ უდაბნოს ტერიტორია ხელისუფლების მიერ გასხვისებულიც კი იყოს.

როგორც ისტორიკოსი გია ანჩაბაძე აღნიშნავს, მეექვსე საუკუნის სამონასტრო კომპლექსი მეოცე საუკუნემდე საქართველოს შემადგენლობაში შედიოდა. კომუნისტური რეჟიმის დროს კი საზღვრების მდებარეობა შეცვალეს, რამაც აღნიშნული კონფლიქტი წარმოშვა. ისტორიათმცოდნისთვის შემაშფოთებელია, ის ფაქტი, რომ ქვეყნის მოქმედი ხელისუფლება, ისევე, როგორც დელიმიტაციის კომისია, ამ დრომდე საკითხის გადაჭრას სათანადოდ არ ცდილობს.


სადელიმიტაციო ორმხრივი კომისია, რომელიც ბოლოს რამდენიმე თვის წინ, მრავალწლიანი პაუზის შემდეგ პირველად შეიკრიბა, დღეს დუმილს ამჯობინებს. საკითხზე პასუხი არ აქვთ არც საგარეო საქმეთა სამინისტროში. რატომ გახდა საქართველოს ისტორიული სამონასტრო კომპლექსი ხელისუფლებისგან მივიწყებული, უცნობია, ამ ფონზე საზოგადოებას არაერთი პასუხგაუცემელი კითხვა რჩება. მაშინ, როცა ქვეყნის 20% ოკუპირებულია, მოქმედი ხელისუფლება მორიგი სადაო ტერიტორიების დასაცავად არ მოქმედებს.


წყარო > www.obieqtivi.info

კომენტარები
        მსგავსი სიახლეები