COVID - 19
27-10-2019 01:36

ბათუ ქუთელია და 29 მუშკეტერი - სააკაშვილის თანაგუნდელების მოღალატეობრივი ინიციატივა [იხ. ვიდეო]

ბათუ ქუთელია და 29 მუშკეტერი - სააკაშვილის თანაგუნდელების მოღალატეობრივი ინიციატივა [იხ. ვიდეო]

სააკაშვილისა და ბოკერიას ყოფილი თანაგუნდელი და ამჟამად მათთან აფილირებული ბათუ ქუთელია საქართველოს ნატოში გაწევრიანების პერსპექტივებზე ოკუპანტის ენაზე ალაპარაკდა. თავდაცვის მინისტრის ყოფილი მოადგილე რასმუსენის, კოფისა და კრამერის პოზიციას ახლა რუსულ ენაზე იცავს. უფრო მეტიც, ქუთელიას აზრით აფხაზეთისა და ე.წ სამხრეთ ოსეთის საკითხი ჩრდილო ატლანტიკურ ალიანსში გაერთიანების პრობლემა არ უნდა იყოს. სააკაშვილის მუშკეტერი ნატოში გაწევრიანების პერსპექტივას ცხინვალსა და სოხუმზე კოლექტიური თავდაცვის მუხლის გაუვცელებლობაში ხედავს.


ქუთელიას არც ამერიკელი პარტნიორი ჩამორჩა. ჰერიტიჯ ფაუნდეიშენის მკვლევარს მას შემდეგ, რაც საქართველოსა და გერმანიის მაგალითების ერთ კონტექსტში განხილვის შესაძლებლობა ნაცარში ჩაუვარდა, ახალ გამოსავალს ჰავაის კუნძულთან საქართველოს პრობლემის გაიგივებაში ხედავს. ლუკ კოფი ბევრ ფაქტორს ან არ იცნობს, ან შეგნებულად ჩქმალავს. ამერიკელი კოლეგის მოსაზრებას კატეგორიულად არ ეთანხება ვახტანგ მაისაია. პოლიტოლოგის აზრით ნატოში გაწევრიანების კოფისეული ვერსია არასერიოზულია. მკვლევარის მოსაზრებას ნაადრევს უწოდებს ამირან სალუქვაძე.




ლუკ კოფის, დევიდ კრამერისა და ანდრეს ფოგ რასმუსენის გააქტიურებაში ნაციონალური მოძრაობის ინტერესს ხედავს ნანა დევდარიანი. ანალიტიკოსი ცხინვალსა და სოხუმზე მეხუთე მუხლის გაუვრცელებლობის შესახებ გაკეთებულ განცხადებებს სპეკულაციას უწოდებს და საფრთხისშემცველად მიიჩნევს.

აფხაზეთისა და ე.წ სამხრეთ ოსეთის გარეშე, საქართველოზე ნატოს მფარველობის გავრცელებაზე საუბარს კონკრეტული პოლიტიკური დაჯგუფების ინტერესს უკავშირებს ზვიად ავალიანი.


საქართველო ნატოს წევრი გახდება ტერიტორიული მთლიანობის დაცვის პრინციპებით. ასე აფასებენ ბოლო დროს ნაციონალური მოძრაობის, ევროპული საქართველოსა და მათთან დაახლოებული ექსპერტების პოზიციას უმრავლესობაში. როგორც თავად ამბობენ, მმართველ გუნდში ლუკ კოფისეული ინიციატივა არც განიხილება.


წყარო >> obieqtivi.info

კომენტარები
        მსგავსი სიახლეები