COVID - 19
29-10-2019 15:00

ირმა ინაშვილი - დედაეკლესიასა და პატრიარქს მარტო არ დავტოვებთ

ირმა ინაშვილი - დედაეკლესიასა და პატრიარქს მარტო არ დავტოვებთ

ეკლესიის ირგვლივ მიმდინარე უმძიმესი პროცესები არის პირდაპირი ბრძოლა ეკლესიის დისკრედიტაციისთვის და პატრიარქის წინააღმდეგ, – ამის შესახებ „პატრიოტთა ალიანსის“ ლიდერმა ირმა ინაშვილმა პარლამენტის პლენარულ სხდომაზე განაცხადა.

მისი თქმით, ეკლესიის წინააღმდეგ ბრძოლა „ვარდების რევოლუციიდან“ დაიწყო და დამთავრდება ძალიან მძიმე შედეგებით იმ ფსევდოლიბერალური ძალებისთვის, რომლებიც ამ ბრძოლაში არიან ჩართული.

„მინდა, გამოვეხმაურო ეკლესიის ირგვლივ მიმდინარე უმძიმეს პროცესებს და პირდაპირ ვთქვა, რომ ეს არის პირდაპირი ბრძოლა ეკლესიის დისკრედიტაციისთვის და ბრძოლა პატრიარქის წინააღმდეგ. ყველას მინდა ვუთხრა, ნამდვილად არ დავტოვებთ მარტო დედაეკლესიასა და პატრიარქს. ეს ბრძოლა დღეს არ დაწყებულა, დაიწყო „ვარდების რევოლუციიდან“, როცა თავისუფლების ინსტიტუტი გეგმავდა პირდაპირ ეკლესიის სადისკრედიტაციო გეგმის განხორციელებას ტელევიზიის პირველ არხზე. ახლა ეს გეგმა ახალ ფაზაშია შესული. ეკლესიის წინააღმდეგ ბრძოლა დამთავრდება ძალიან მძიმე შედეგებით იმ ფსევდოლიბერალური ძალებისთვის, რომლებიც ამ ბრძოლაში არიან ჩართული“, – განაცხადა ირმა ინაშვილმა.
წყარო -> 1tv.ge

კომენტარები
        მსგავსი სიახლეები