COVID - 19
13-11-2019 16:34

„გირჩის“ სექტის წევრობის გამო გარდაცვლილ ახალგაზრდას წესი არ აუგეს [იხ. ვიდეო

„გირჩის“ სექტის წევრობის გამო გარდაცვლილ ახალგაზრდას წესი არ აუგეს [იხ. ვიდეო

ერთი წლის წინ შაკო ბარამიძე „ბიბლიური თავისუფლების“ მღვდელმთავარი იმ მიზეზით გახდა, რომ ჯარში არ გაეწვიათ. ახალგაზრდა ალბათ ვერასდროს წარმოიდგენდა, რომ მისი სიცოცხლე ასე მოულოდნელად ავტოკატასტროფის დროს დარსულდებოდა. ოჯახმა გარდაცვლილისთვის წესის აგება მოისურვა, თუმცა ვერ შეძლო. ეკლესიამ რიტუალი იმის გამო არ ჩაატარა, რომ შაკომ 30 ათასი ახალგაზრდის მსგავსად საკუთარი რელიგია უარყო. სასულიერო პირების თქმით ეკლესიას თავისი კანონები აქვს, რასაც ახალგაზრდების უმეტესობა ვერ აცნობიერებს.

„ბიბლიური თავისუფლების“ მთავარი მღვმდელმსახური ამბობს, რომ მათ 2 დღის წინ გასცეს ცნობა, სადაც ეწერა, რომ შაკო ბარამიძის მღვდელმსახურების მოწმობა გაუქმებულია და გარდაცვლილი აღარ ირიცხება მათ წევრად, თუმცა ეს არგუმენტი საეკლესიო პირებისთვის საკმარისი არ აღმოჩნდა. ლევან ჯგერენაია ამბობს, რომ ათასობით მოქალაქეს სისტემური ბიუროკრატიისგან იცავენ.

კონსტიტუციის 12-ე მუხლში არსებული ხარვეზების შესახებ პარლამენტის პლენარულ სხდომაზე ისაუბრა „პატრიოტთა ალიანსის და სოციალ დემოკრატების“ ფრაქციის თავმჯდომარემ. გიორგი ლომია აღნიშნავს, რომ ახალგაზრდებმა პატრიოტულ სულისკვეთებაზე უარი თქვეს იმ მიზეზით, რათა სამხედრო სამსახურში არ წავიდნენ. დეპუტატი აღნიშნულ პროცესებში კოლეგებს ადანაშაულებს.



რელიგიური ორგანიზაციის ამგვარი არსებობა არ მოსწონს უმრავლესობის ნაწილსაც. მიუხედავად იმისა, რომ მმართველი გუნდის წევრები გირჩის მოქმედებას გმობენ, ვითარების გამოსასწორებლად მათ კონკრეტული გეგმები არ აქვთ.

სახელმწიფოებრივი აზროვნების დეფიციტი, - ასე უწოდებს რელიგიურ ორგანიზაციაში ახალგაზრდების გაწევრიანებას მამუკა გიორგაძე. ადამიანების ამგვარ გადაწყვეტილებას კი იმით ხსნის, რომ ქვეყანაში ჯარი პოპულარული და სახელმწიფოებრივ დონეზე სათანადოდ აყვანილი არ არის. გიორგაძე გირჩის ფრთის ქვეშ გაერთიანებულ ორგანიზაციას თაღლითურს უწოდებს და სამხედრო სამსახურიდან თავის არიდებას დანაშაულს უწოდებს, რომელსაც მისივე თქმით სახელმწიფო თავს შეგნებულად არიდებს.

გენერალი თემურ ლორია წვევამდელების გაწვებში არსებულ ხარვეზებს არ უარყოფს, თუმცა რელიგიურ ორგანიზაციის საქმიანობას არაკონსტიტუციურად თვლის. გენერალი მიიჩნევს, რომ მღვდელმსახურის გაწვევა ჯარში უნდა ხდებოდეს. თემურ ლორია ჯარში სასულიერო პირების როლს იხსენებს და ამბობს, რომ მის ფორმირებაში მღვდელმსახურებს დიდი როლი ჰქონდათ.

კომენტარები
        მსგავსი სიახლეები