COVID - 19
15-11-2019 17:58

ეროვნული ბანკის მონაცემებით, ოქტომბერში ქვეყანაში შემოსული ფულადი გზავნილების მოცულობამ 153.2 მლნ აშშ დოლარი შეადგინა

ეროვნული ბანკის მონაცემებით, ოქტომბერში ქვეყანაში შემოსული ფულადი გზავნილების მოცულობამ 153.2 მლნ აშშ დოლარი შეადგინა

საქართველოს ეროვნული ბანკის მონაცემებით, მიმდინარე წლის ოქტომბერში ქვეყანაში შემოსული ფულადი გზავნილების მოცულობამ 153.2 მლნ აშშ დოლარი (454.3 მლნ ლარი) შეადგინა, რაც 11.5%-ით (15.8 მლნ აშშ დოლარით) მეტია 2018 წლის ოქტომბრის ანალოგიურ მაჩვენებელზე.

კერძოდ, უცხოეთიდან საქართველოში ფულადი გზავნილების 93.9% იმ 18 უმსხვილეს პარტნიორ ქვეყანაზე მოდის, საიდანაც ასეთი გზავნილების მოცულობამ ოქტომბერში 1 მლნ აშშ დოლარს გადააჭარბა.

მათივე მონაცემებით, იმავე 18 ქვეყანაზე გასული წლის ოქტომბერში მთელი ფულადი გზავნილების 94.0% მოდიოდა.

ოქტომბრის მთლიან ფულად გზავნილებში 37.77%-იანი წილი ევროკავშირის ქვეყნებიდან მოდის, რაც 57.87 მილიონი აშშ დოლარია.

ჩარიცხული მოცულობის წლიური ზრდის ტემპი 11.5%-ია. ოქტომბრის მონაცემებით მთლიან ფულად გზავნილებში რუსეთი 24,71%-იანი წილითაა წარმოდგენილი, რაც 4. 53%-ით არის შემცირებული და 37.84 მილიონ აშშ დოლარს შეადგენს.

13.72%-იანი წილი ფულად გზავნილებში იტალიას უკავია, რაც ჯამში 21.01 მილიონ დოლარს შეადგენს. რაც შეეხება საბერძნეთს, მისი წილი მთლიან ჩარიცხულ მოცულობაში 10.41%-ია, რაც ჯამში 15.95 მილიონი დოლარია. ასევე, 15.23 მილიონი აშშ დოლარი გადმორიცხულია ამერიკის შეერთებული შტატებიდან, რომლის წილიც მთლიან ჩარიცხულ მოცულობაში 9.94 %-ია.

საქართველოს ეროვნული ბანკის მონაცემებით, ოქტომბერში საქართველოდან საზღვარგარეთ 22.5 მლნ აშშ დოლარი (66.6 მლნ ლარი) გადაიგზავნა, რაც 2018 წლის ოქტომბრის (21.2 მლნ აშშ დოლარი) ანალოგიურ მაჩვენებელთან შედარებით 5.9%-ით მეტია.

კომენტარები
        მსგავსი სიახლეები