COVID - 19
13-02-2020 18:24

ირმა ინაშვილი ზაჰესის მოსახლეობას შეხვდა [იხ. ვიდეო]

ირმა ინაშვილი ზაჰესის მოსახლეობას შეხვდა [იხ. ვიდეო]

დღეს „პატრიოტთა ალიანსის“ გენერალური მდივანი ირმა ინაშვილი ზაჰესის მოსახლეობას შეხვდა. საინფორმაციო შინაარსის შეკრებაზე, რომელიც პატრიოტების გამოკითხვას ეხებოდა, ირმა ინაშვილმა ყურადღება „ობიექტივის„ მიერ მომზადებულ სიუჟეტზე გაამახვილა, სადაც გაშუქებული იყო უსახლკაროდ დარჩენილი სამი მცირეწლოვანის ისტორია, რომლებიც სასაფლაოზე ცხოვრობენ.



როგორც ინაშვილმა აღნიშნა, ეს თემა პირდაპირ კავშირში არ არის აღნიშნულ გამოკითხვასთან, მაგრამ პირდაპირ კავშირშია ჩვენი ქვეყნის მომავალთან.


„ეს სიდუხჭირე, შიმშილი, გაჭირვება არის ერის გენოციდი. მე არ მესმის რატომ გვყავს ამდნი მინისტრი და დეპუტატი თუ ვერ ვუვლით მშიერ ბავშვებს.



რამდენჯერ გამოვედით ინიციატივით, რომ სკოლებში მაინც გაგვეხადა ბავშვთა კვება უფასო. ხელისუფლება გვარწმუნებს, რომ ეკონომიკა ყვავის და დიდი პროგრესია ქვეყანაში. ეკონომიკა რომ ყვაოდეს ეს ბავშვები შიმშილისგან არ იტირებდნენ. ეს ბავშვებია ჩვენი მომავალი, ამ თაობამ უნდა შეგვცვალოს და თუ ეს თაობა არ იქნება ჯანმრთელი, ბედნიერი, ხალისიანი, მაშინ რად გვინდა ჩვენ ასეთი მთავრობა. ამიტომ მნიშვნელოვანია ყველამ კარგად მოვემზადოთ, დავფიქრდეთ, გავერთიანდეთ და საქართველოში არსებული ტყუილი - NDI- IRI-ს სახით დავამარცხოთ.



თქვენი ჩართულობა ეს არის ბრძოლა და თანამონაწილეობა იმ დიდ საქმეში, რაც ჩვენ წამოვიწყეთ. მნიშვენელოვანია, რომ მილიონზე მეტი ანკეტა შევავსოთ და ეს მონაცემები მივაწოდოთ ამერიკის კონგრესს, ევროპარლამენტს და საქართველოს პარლამენტს.



ქართულმა ოცნებამ არ მოგვცა იმის საშუალება, რომ ხალხისთვის სასიცოცხლო კანონები გაგვეტანა პარლამენტში. ამიტომ უნდა გავაერთიანოთ ძალები და 2020 წლის პარლამენტში ბევრად მეტნი უნდა ვიყოთ პატრიოტები“, -ასე მიმართა ზაჰესის მოსახლეობას ინაშვილმა.



შეგახსენებთ, „პატრიოტთა ალიანსი“ თბილისში ფართომასშტაბიან გამოკითხვას ატარებს და მხრდამჭერებთან შეხვედრები დედაქალაქის ყველა უბანში გაიმართება.


[ წყარო - https://www.obieqtivi.info/ ]

კომენტარები
        მსგავსი სიახლეები