COVID - 19
14-02-2020 16:55

ხუნდაძე: აპრილიდან სოციალური სტატუსის მქონე ოჯახებს გადამოწმების პერიოდში შემწეობის მიღება აღარ შეუწყდებათ

ხუნდაძე: აპრილიდან სოციალური სტატუსის მქონე ოჯახებს გადამოწმების პერიოდში შემწეობის მიღება აღარ შეუწყდებათ

როგორც დიმიტრი ხუნდაძემ ბრიფინგზე აღნიშნა, მიზნობრივი სოციალური დახმარების პროგრამის ფარგლებში სოციალური დახმარებით 430 ათასი მოქალაქე სარგებლობს და აღნიშნული პროგრამა პერიოდულად საჭიროებს გარკვეულ დასაბუთებულ ცვლილებებს.

“დღევანდელი მდგომარეობით, გადამოწმების დროს, სტატუსის მატარებელ ოჯახებს დროებით უჩერდებათ დახმარება. მიუხედავად იმისა, რომ უდიდეს ნაწილს განაცდური უნაზღაურდებათ სრულად, მაინც მძიმე მათთვის ეს პერიოდი, რადგან ისინი ღვთის ანაბარა რჩებიან სიღარიბის პირისპირ. ჯანდაცვისა და სოციალურ საკითხთა კომიტეტი გამოდის ინიციატივით, რომ შემწეობის მიმღებ ოჯახებს მათი სოციალურ-ეკონომიკური მდგომარეობის გადამოწმების პერიოდში არ შეუჩერდეთ საარსებო შემწეობის მიღება. შემდეგ კი, გადამოწმების შედეგად მინიჭებული სარეიტინგო ქულიდან გამომდინარე, გაგრძელდეს ან შეწყდეს მათი პროგრამაში მონაწილეობა. ეს იქნება მოსახლეობის საკეთილდღეოდ გადადგმული კიდევ ერთი ნაბიჯი და მისი განხორციელებით რისკის ქვეშ არ დადგება საარსებო შემწეობის მიმღები მოსახლეობის სოციალური მდგომარეობა. ინიციატივასთან დაკავშირებით კონსულტაციები გავლილია შესაბამის უწყებასთან ჯანდაცვის სამინისტროსთან, გადაწყვეტილება მიღებულია და ცვლილება ძალაში შევა მიმდინარე წლის აპრილიდან”-განაცხადა დიმიტრი ხუნდაძემ.

[ წყარო - https://ipress.ge/ ]

კომენტარები
        მსგავსი სიახლეები