COVID - 19
15-02-2020 00:44

„პატიმრობის განაჩენი თუ იქნება გამოტანილი, გადაწყვეტილებას არ დავემორჩილები“ – ნიკა მელია

„პატიმრობის განაჩენი თუ იქნება გამოტანილი, გადაწყვეტილებას არ დავემორჩილები“ – ნიკა მელია

საკონსტიტუციო სასამართლოს სხდომაზე “ნაციონალური მოძრაობის” წევრმა ნიკა მელიამ მოსამართლეებს განცხადებით მიმართა.

როგორც მელიამ აღნიშნა, რა გადაწყვეტილებაც არ უნდა მიიღოს სააპელაციო სასამართლოს მოსამართლემ ვეფხია ლომიძემ, ის მიღებულ გადაწყვეტილებას არ დაემორჩილება.

“რა გადაწყვეტილებაც არ უნდა გამოიტანოს ვეფხია ლომიძემ მე იმ გადაწყვეტილებას არ დავემორჩილები იმიტომ არა, რომ არ ვენდობი სასამართლოს გადაწყვეტილებას, არამედ უბრალოდ გავაპროტესტებ სასამართლოს არ არსებობას. ვეფხია ლომიძის მიერ იქნება პატიმრობა გამოტანილი?! მე ამ გადაწყვეტილებას არ დავემორჩილები. არ დავემორჩილები და ეს გადაწყვეტილება უკვე მტკიცედ მაქვს მიღებული. ამიტომ, მიმაჩნია, რომ სასურველი იქნებოდა, რომ ეს გადაწყვეტილება, იქნეს გამოტანილი 10 მარტამდე”, – მიმართა მოსამართლეებს ნიკა მელიამ.

ცნობისთვის, ნიკა მელიას საქმეს საკონსტიტუციო სასამართლო განიხილავს.

შეგახსენებთ, რომ 12 დეკემბერს ნიკა მელიას სადეპუტატო უფლებამოსილება შეუწყდა. მელიასთვის პარლამენტის წევრის უფლებამოსილების შეწყვეტას მხარი 88-მა დეპუტატმა დაუჭირა, საკითხს მოწინააღმდეგე არ ჰყავდა. მელიასთვის დეპუტატის უფლებამოსილების შეწყვეტის საკითხი დღის წესრიგში მას შემდეგ დადგა, რაც ბანკი “ქართუს” გაკოტრების საქმეზე, სამსახურეობრივი უფლებამოსილების ბოროტად გამოყენების ნაწილში მის მიმართ გამამტყუნებელი განაჩენი იქნა მიღებული.

[ წყარო - https://marshalpress.ge/ ]

კომენტარები
        მსგავსი სიახლეები