COVID - 19
22-02-2020 23:01

ჯამბულ გამცემლიძე: ვეკითხები ვანო მერაბიშვილს, ის კი გამოვიდა 7-წლიანი პატიმრობიდან, მაგრამ ჩემი გიორგი სად არის?!

ჯამბულ გამცემლიძე: ვეკითხები ვანო მერაბიშვილს, ის კი გამოვიდა 7-წლიანი პატიმრობიდან, მაგრამ ჩემი გიორგი სად არის?!

ვეკითხები ვანო მერაბიშვილს, ის კი გამოვიდა 7-წლიანი პატიმრობიდან, მაგრამ ჩემი გიორგი სად არის?! რომ ამბობს სამარტოო საკანში ვიჯექიო, ნახოს, მათი რეჟიმის მიერ მოკლული ჩემი შვილი სად არის! - ამის შესახებ, სააკაშვილის ხელისუფლების დროს საპატრულო პოლიციის მიერ მოკლული გიორგი გამცემლიძის მამამ, ჯამბულ გამცემლიძემ შალვა რამიშვილის გადაცემაში „პოლიტიკურ ინტერვიუ“ განაცხადა.

მისი თქმით, ვინც ვანო მერაბიშვილის გამოსვლას ტაშს უკრავდა, ყველა დამნაშავეა.

„კაცი, რომელიც ციხიდან გამოვიდა და ამბობს, დავამხობო, რისი დამმხობია?! შენ იმათ იმედზე იყავი, ვისაც უკიჟინებდი, დამიცავით და მერე მე დაგიცავთო! იმიტომ მისცეს ჩემი შვილის მკვლელს 2 წელი მაშინ, როდესაც გურჯაანში ქვაბის მოპარვისთვის ბიჭს 12 წელი მიუსაჯეს. მახსოვს, მერაბიშვილის გამოსვლა, პოლიციას რომ მიმართა, ხელი არ აგიკანკალდეთო, ეს იყო მათი დევიზი და ამის მერე 160 ადამიანი, მათ შორის 5 ქალი ქუჩაში ჩახოცეს, 653 გვამი გამოიტანეს ციხეებიდან, რამდენი ადამიანი, რამდენი დედა გაამწარეს“, - აცხადებს ჯამბულ გამცემლიძე.

ვანო მერაბიშვილმა სასჯელაღსრულების დაწესებულება 20 თებერვალს დატოვა.

შინაგან საქმეთა ყოფილი მინისტრი სასჯელს რამდენიმე საქმეზე იხდიდა, მათ შორის, 2011 წლის 26 მაისის აქციის დარბევის, სანდრო გირგვლიანის საქმეზე მტკიცებულებების დამალვის, ვალერი გელაშვილის მიმართ ფიზიკური ანგარიშსწორების, კვარიათის აგარაკისა და ამომრჩევლის მოსყიდვის საქმეებზე. 7 ნოემბრის აქციის დარბევისა და „ტელეიმედში“ შეჭრის საქმეების განხილვა ამ დრომდე გრძელდება და ბრალდების რიგით მეექვსე საქმეზე განაჩენი მალევე უნდა გამოცხადდეს.

[ წყარო - https://imedinews.ge/ ]

კომენტარები
        მსგავსი სიახლეები