COVID - 19
28-02-2020 19:29

„პატრიოტთა ალიანსის“ გამოკითხვას თბილისის მასშტაბით ათასობით ადამიანი უკვე შეუერთდა [იხ. ვიდეო]

„პატრიოტთა ალიანსის“ გამოკითხვას თბილისის მასშტაბით ათასობით ადამიანი უკვე შეუერთდა [იხ. ვიდეო]

ენდიაის და აირაის ქვეყნის ინტერესებისთვის საზიანო საქმიანობაზე სასაუბროდ, ირმა ინაშვილი სამგორის მოსახლეობას შეხვდა. ვიცე-სპიკერმა ე.წ. მერვე ლეგიონში მცხოვრებ მოქალაქეებს ამერიკული კვლევითი ორგანიზაციების შესახებ ინფორმაცია მიაწოდა და პირადად გააცნო გამოკითხვის მიმდინარეობის პროცესი, რომელიც „პატრიოტთა ალიანსმა“ სწორედ ენდიაის და აირაის მიზანმიმართული სიცრუის წინააღმდეგ წამოიწყო. ვიცე-სპიკერი ორგანიზაციებს რეიტინგების და საზოგადოებრივი აზრის გაყალბებაში ღიად ადანაშაულებს და მოსახლეობას მოუწოდებს „პატრიოტთა ალიანსის“ გამოკითხვაში აქტიურად ჩაერთოს. გამოკითხვა კი უპრეცენდენტოა და მიზნად მილიონი მოქალაქის აზრის დაფიქსირებას ისახავს. ირმა ინაშვილმა ისიც აღნიშნა, რომ პატრიოტთა ალიანსის მასშტაბურმა კამპანიამ კონკრეტული შედეგი უკვე გამოიღო.


ენდიაის და აირაის კვლევის შედეგებსა და საზოგადოების აზრს შორის უდიდეს განსხვავებაზე საუბრობენ „პატრიოტთა ალიანსში“. „პატრიოტთა ალიანსის“ წევრები აღნიშნული ორი კვლევითი ორგაიზაციის კავშირს ნაციონალურ მოძრაობასთან ხედავენ და განმარტავენ, რომ ქვეყანაში სიცრუის ტირაჟირება უნდა დასრულდეს.


„პატრიოტთა ალიანსის“ გამოკითხვას თბილისის მასშტაბით ათასობით ადამიანი უკვე შეუერთდა. სამგორის რაიონში შეკრებილმა მოქალაქეებმა საკუთარი პოზიცია დააფიქსირეს და აღნიშნეს, რომ საქართველოში ნდიაისა და აირაის საქმიანობა უნდა დასრულდეს.


„პატრიოტთა ალიანსმა“ დედაქალაქის მასშტაბით გამოკითხვა უკვე არაერთ უბანში აწარმოა. მას შემდეგ, რაც გამოკითხულთა რაოდენობა მილიონს მიაღწევს შედეგები, დოკუმენტურ მტკიცებულებებთან ერთად საკანონდებლო ორგანოს და საერთაშრისო თანამეგობრობას წარედგინება.

[ წყარო - https://www.obieqtivi.info/ ]

კომენტარები
        მსგავსი სიახლეები