COVID - 19
23-03-2020 21:53

გარდაბანში პოლიციამ მოსახლეობას სუფრის გაშლის ნება არ დართო

გარდაბანში პოლიციამ მოსახლეობას სუფრის გაშლის ნება არ დართო

გარდაბანში პოლიციამ მოსახლეობას სუფრის გაშლის ნება არ დართო. სამართალდამცავებმა შეკრებილებს სიტყვიერი გაფრთხილება მისცეს. ადგილობრივები პოლიციას დაემორჩილნენ და დაიშალნენ. შემთხვევას მცირე სიტყვიერი დაპირისპირებაც მოჰყვა.

მუნიციპალიტეტში გუშინ მკაცრი საკარანტინო რეჟიმი გამოცხადდა, რის გამოც მოსახლეობის თავშეყრა აკრძალულია.

მარნეულისა და ბოლნისის მუნიციპალიტეტები მკაცრ საკარანტიო რეჟიმზე მას შემდეგ გადავიდა, რაც მარნეულში კორონავირუსით ქალი დაინფიცირდა, რომლის ინფიცირების წყაროს დადგენაც ვერ მოხერხდა.

21 მარტს საქართველოში საგანგებო მდგომარეობა ამოქმედდა. კორონავირუსი ქვეყანაში უკვე 54 ადამიანს დაუდასტურდა. მათგან ხუთი ინფექციური კლინიკიდან უკვე გაეწერა. სულ გამოჯანმრთელდა 8 პაციენტი. ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა.

ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.

21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა.

რა უნდა ვიცოდეთ საგანგებო მდგომარეობის შესახებ, წაიკითხეთ აქ


წყარო:imedinews.ge

კომენტარები
        მსგავსი სიახლეები