COVID - 19
04-04-2020 19:18

ირმა ინაშვილი თანაგუნდელ სამველ პეტროსიანს სრულ მხარდაჭერას უცხადებს [იხ. ვიდეო]

ირმა ინაშვილი თანაგუნდელ სამველ პეტროსიანს სრულ მხარდაჭერას უცხადებს [იხ. ვიდეო]

„პატრიოტთა ალიანსის“ გენერალური მდივანი, ირაკლი კობახიძის მიერ ბოლო დროს გაკეთებულ დეზინფორმაციული შინაარსის განცხადებებს ეხმაურება. ირმა ინაშვილით თქმით, პარლამენტის ყოფილი თავმჯდომარე, რომელიც ჰენზელ მკოიანის მეგობარია საკუთარ გავლენებს ბოროტად იყენებს და მმართველ გუნდსა და საზოგადოებას ახალქალაქში მომხდარი დაპირისპირების შესახებ არასწორ ინფორმაციას აწვდის. პარლამენტის ვიცე-სპიკერი იმასაც ამბობს, რომ გამოძიება არაობიქტურად სწორედ კობახიძის ფაქტორის გამო წარიმართა. „პატრიოტთა ალიანსის“ გენერალური მდივანი თანაგუნდელ სამველ პეტროსიანს სრულ მხარდაჭერას უცხადებს.


ირმა ინაშვილის აღშფოთება ირაკლი კობახიძის განცხადებას მოჰყვა. პარლამენტის ყოფილი თავმჯდომარე ბოლო რამდენიმე დღეა გაფაციცებით ცდილობს ჰენზელ მკოიანს გადაეფაროს. ირაკლი კობახიძე ახალქალაქში მომხდარი ინცინდენტის მთავარ მოქმედ გმირს, ვიდეო მტკიცებულებების არსებობის მიუხედავად, მხარდაჭერას მაინც ჯიუტად უცხადებს, თუმცა ვერცერთი არგუმენტით ახერხებს ახსნას, რატომ ესროლა დამიზნებით ჰენზელ მკოიანმა სამველ პეტროსიანს.


26 მარტის მოვლენებს დეტალურად იხსენებს „პატრიოტთა ალიანსის“ ახალქალაქის ორგანიზაციის ლიდერის მეუღლე. კარინა პეტროსიანი ჩვენთან საუბრისას ყვება, რომ სამველ პეტროსიანი შემთხვევის ადგილისაკენ მას შემდეგ წავიდა, რაც შეატყობინეს, რომ მაჟორიტარი დეპუტატი საკუთარ გარემოცვასთან ერთად თავს მათ ვაჟს დაესხა. ოპოზიციონერი პოლიტიკოსის მეუღლე გამოძიების არაობიექტურობაზე საუბრობს და პარლამენტის წევრებს თხოვნითაც მიმართავს.


ახალქალაქში მომხდარი ინცინტენტის შესახებ საერთაშორისო თანამეგობრობასა და პარტნიორი სახელმწიფოების წარმომადგენლობას დეტალური ინფორმაცია უკვე მიაწოდა „პატრიოტთა ალიანსმა“. ირმა ინაშვილი სამველ პეტროსიანის მარტო დატოვებას არ აპირებს და როგორც თავად ამბობს სამართლიანობის დასამკვიდრებლადაც ბოლომდე იბრძოლებს.


[ წყარო - https://www.obieqtivi.info/ ]

კომენტარები
        მსგავსი სიახლეები