15-04-2020 12:15

გიორგი გახარია - ჩვენი ამოცანა ახლა არა ვაჭრობისა და ბიზნესის წახალისება, არამედ მაქსიმალური შეზღუდვებით მოქალაქეების სახლებში შენარჩუნებაა

გიორგი გახარია - ჩვენი ამოცანა ახლა არა ვაჭრობისა და ბიზნესის წახალისება, არამედ მაქსიმალური შეზღუდვებით მოქალაქეების სახლებში შენარჩუნებაა

ჩვენი ამოცანა ახლა ის კი არ არის, ვაჭრობა და ბიზნესი წავახალისოთ, ჩვენი ამოცანა ახლა არის, რომ მაქსიმალური შეზღუდვებით ჩვენი მოქალაქეები სახლებში შევინარჩუნოთ და ვირუსის გავრცელების სისწრაფე შევზღუდოთ, - ამის შესახებ პრემიერ-მინისტრმა გიორგი გახარიამ ონლაინ შოპინგთან დაკავშირებით დასმული კითხვის საპასუხოდ განაცხადა. როგორც უწყებათშორისი საკოორდინაციო საბჭოს შეხვედრის დასრულების შემდეგ გიორგი გახარიამ აღნიშნა, ქვეყანამ, დაახლოებით, ორი კვირის განმავლობაში უნდა „გაიჭირვოს“, რათა კრიზისიდან გამოსვლის გეგმას სწრაფად შეუდგეს.

მთავრობის მეთაურის განცხადებით, ხელისუფლებას შეზღუდვებიდან გამოსვლის კონკრეტული გეგმა უკვე შემუშავებული აქვს, სადაც ონლაინ გაყიდვებისა და „სუფთა სახლის“ საკითხი პირველ რიგში დგას.

„ათას რაღაცას ჭორაობენ. საერთოდ არ გვაინტერესებს ახლა ეს ჩვენ. ჩვენთვის ძირითადი ამოცანა არის, რომ ჩვენი მოქალაქეების ჯანმრთელობის ინტერესიდან გამომდინარე, გარკვეული დროით ჩვენი ქვეყნის მოქალაქეების მოძრაობა მაქსიმალურად შევზღუდოთ. ჩვენ, ყველას ერთად - ონლაინ შოპინგი იქნება, მშენებლობა, პარფიუმერიის მაღაზია თუ „სუფთა სახლი“ - უნდა გვესმოდეს, რომ მაქსიმუმ, 2 კვირა უნდა გავიჭირვოთ იმისთვის, რომ ამ კრიზისიდან გამოსვლის გეგმას რაც შეიძლება, სწრაფად შევუდგეთ. პირდაპირ გეუბნებით, შეზღუდვებიდან გამოსვლის კონკრეტული გეგმა გვაქვს, სადაც ონლაინ შოპინგი, ონლაინ მაღაზიები, ასევე „სუფთა სახლი“, პირველი დგანან, მაგრამ ერთიც და მეორეც, საკმაოდ დიდ მობილობას აგენერირებენ მსხვილ ქალაქებში, რაც ვირუსის გავრცელების რისკის შემცველია. წარმოგიდგენიათ, მაგალითად, ონლაინ შოპონგის ნაწილში რამხელა ინფრასტრუქტურაა საჭირო, რომ ეს ყველაფერი ფუნქციონირებდეს? ყველაფერს თავი რომ დავანებოთ, ეპიდემიოლოგები პირდაპირ გვაფრთხილებენ, რომ იგივე ადამიანი შეიძლება ამ ვირუსის გამავრცელებელი გახდეს. რა არის ჩვენთვის ძირითადი ამოცანა? სასურსათო მაღაზიებისა და აფთიაქების გარდა, ყველაფერი დანარჩენი მეორეხარისხოვანია. იმის, რისი ყიდვაც ადამიანს შეუძლია სასურსათო სუპერმარკეტში და აფთიაქში, სხვაგან, სპეციალიზირებული სახით, არ გვაინტერესებს, იმიტომ რომ ჩვენი ამოცანა ახლა ის კი არ არის, ვაჭრობა და ბიზნესი წავახალისოთ, ჩვენი ამოცანა ახლა არის, რომ მაქსიმალური შეზღუდვებით ჩვენი მოქალაქეები სახლში შევინარჩუნოთ და ვირუსის გავრცელების სისწრაფე შევზღუდოთ. ეს არის ამოცანა და ამ ამოცანის მიზანი გახლავთ ის, რომ რაც უფრო მკაცრი და ეფექტური შეზღუდვები იქნება, უფრო სწრაფად გაიხსნება ონლაინ შოპინგიც, „სუფთა სახლიც“ და სხვა ყველაფერიც“, - განაცხადა გიორგი გახარიამ.

წყარო: www.interpressnews.ge

კომენტარები
მსგავსი სიახლეები
დღის ბოლო სიახლეები
დაემატა: დღეს, 21:01
თურქეთის თავდაცვის მინისტრი - განვაგრძობთ აზერბაიჯანის სამხედრო ძალების დახმარებას და მხარდაჭერას
დაემატა: დღეს, 21:00
Ryanair-ის თვითმფრინავმა ბომბის შესახებ წერილის გამო საგანგებო დაშვება განახორციელა
დაემატა: დღეს, 20:58
უკრაინის საგარეო საქმეთა მინისტრი სააკაშვილზე - კერძო პირის განცხადებები ჩვენს ხალხებსა და სახელმწიფოებს შორის ურთიერთობებს ვერ დაანგრევს
დაემატა: დღეს, 18:31
ანატოლი ბიბილოვი - სისხლის სამართლის საერთაშორისო სასამართლოს ყველა ქმედება პოლიტიზირებულია, ის სამხრეთ ოსეთს საქართველოს ნაწილად განიხილავს
დაემატა: დღეს, 18:29
ეკა ბესელია დიმიტრი ხუნდაძეს - უვადოდ ხომ არ გავაუქმოთ პარლამენტი? საერთოდ პარლამენტს ხომ არ ჩამოვართვათ უფლება, აკონტროლოს მთავრობა?!
ყველა სიახლე
ინტერვიუ
ივანე ჩხაიძე: 2 წლამდე ასაკის ბავშვებისათვის ეკრანთან ურთიერთობა კატეგორიულად აკრძალულია!
01-07-2020 13:25
ივანე ჩხაიძე: 2 წლამდე ასაკის ბავშვებისათვის ეკრანთან ურთიერთობა კატეგორიულად აკრძალულია!
ვაჟა ბერიძე - ხედვების ერთობლიობა „ოცნების“  საქმიანობაში არ იკვეთება, არადა, ელექტორატის 40-45%  აუცილებლად დაუსვამს ივანიშვილს კითხვას - რას აპირებთ? რატომ უნდა დაგიჭიროთ მხარი?
26-06-2020 16:33
ვაჟა ბერიძე - ხედვების ერთობლიობა „ოცნების“ საქმიანობაში არ იკვეთება, არადა, ელექტორატის 40-45% აუცილებლად დაუსვამს ივანიშვილს კითხვას - რას აპირებთ? რატომ უნდა დაგიჭიროთ მხარი?
ლადო პაპავა - მოსახლეობა პოზიტიური დღის წესრიგის მოლოდინშია
26-06-2020 16:30
ლადო პაპავა - მოსახლეობა პოზიტიური დღის წესრიგის მოლოდინშია
რა სიახლეები დახვდებათ ამომრჩევლებს უბნებზე და როგორ ჩატარდება არჩევნები პანდემიის პირობებში?
11-06-2020 14:47
რა სიახლეები დახვდებათ ამომრჩევლებს უბნებზე და როგორ ჩატარდება არჩევნები პანდემიის პირობებში?