COVID - 19
18-04-2020 15:25

სამების ტაძარში სააღდგომო ლიტურგია დღეს, 23:00 საათზე დაიწყება

სამების ტაძარში სააღდგომო ლიტურგია დღეს, 23:00 საათზე დაიწყება

სააღდგომო ლიტურგია ყოვლადწმინდა სამების საკათედრო ტაძარში დღეს, 23:00 საათზე დაიწყება. როგორც „ინტერპრესნიუსს“ საპატრიარქოში განუცხადეს, სამების საკათედრო ტაძარში 22:00 საათზე წაკითხული იქნება შუაღამის ჟამი, ხოლო 23:00 საათზე მიბრძანდება უწმინდესი და უნეტარესი სრულიად საქართველოს კათოლიკოს-პატრიარქი ილია II. ამის შემდეგ დაიწყება ლიტანიობა და სააღდგომო საღვთო ლიტურგია.

როგორც „ინტერპრესნიუსს“ საპატრიარქოში განუცხადეს, სადღესასწაულო წირვაზე მრევლის მიერ 2 მეტრიანი დისტანციის დაცვას ტაძარში სტიქაროსნები გააკონტროლებენ. მათივე ინფორმაციით, სააღდგომო ლიტურგიაზე დასწრება შეზღუდული იქნება მედიის წარმომადგენლებისთვის.

ლიტურგიის დასრულების შემდეგ უწმინდესი ტრადიციულად ერს სააღდგომო ეპისტოლეთი მიმართავს და აღდგომის ბრწყინვალე დღესასწაულს მიულოცავს.

აღდგომის ბრწყინვალე დღესასწაულს წინ დიდმარხვა უძღოდა. მომდევნო კვირას, ბრწყინვალე შვიდეულის განმავლობაში კი მსგეფსია და ხსნილია ყოვლითურთ. მრევლს შეეძლება არასამარხვო საკვები ოთხშაბათსა და პარასკევსაც მიიღოს.

[ წყარო - https://www.interpressnews.ge/ ]

კომენტარები
        მსგავსი სიახლეები