COVID - 19
21-04-2020 12:58

რაჭა-ლეჩხუმსა და ქვემო სვანეთში რწმუნებული - ხვალიდან, ლენტეხში ერთის გარდა, თვითიზოლაციაში მყოფი პირებიდან ყველა მოიხსნება - შეგვიძლია ვთქვათ, რომ ჯაჭვი გაწყდა

რაჭა-ლეჩხუმსა და ქვემო სვანეთში რწმუნებული - ხვალიდან, ლენტეხში ერთის გარდა, თვითიზოლაციაში მყოფი პირებიდან ყველა მოიხსნება - შეგვიძლია ვთქვათ, რომ ჯაჭვი გაწყდა

ლენტეხის მუნიციპალიტეტში თვითიზოლაციაში მყოფ პირებს ხვალიდან აღნიშნული შეზღუდვა მოეხსნებათ. აღნიშნულის შესახებ „ინტერპრესნიუსს“ რაჭა-ლეჩხუმსა და ქვემო სვანეთში სახელმწიფო რწმუნებულმა არჩილ ჯაფარიძემ განუცხადა. სახელმწიფო რწმუნებულის განმარტებით, 41 პირიდან თვითიზოლაციაში მხოლოდ ერთი პირი დარჩება. მისივე თქმით, კორონავირუსით დაინფიცირების ახალი შემთხვევა მხარეში არ გამოვლენილა.

„ხვალიდან, თვითიზოლაციაში მყოფი პირებიდან ყველა მოიხსნება იზოლაციიდან ერთი პირის გარდა. შეგვიძლია ვთქვათ, რომ ის ჯაჭვი გაწყდა. ბოლოს, თვითიზოლაციაში სულ 41 პირი იყო. ახალი შემთხვევა არ დაგვმატებია. დღეს საავადმყოფოებს უნდა ვეწვიო, ახალი დადგენილებით რაღაც რეგულაციები ემატება, შესაბამისად, ღონისძებებს ადგილზე გავეცნობი“, - განაცხადა ჯაფარიძემ.

ცნობისთვის, ლენტეხის მუნიციპალიტეტში კორონავირუსით 5 პირია ინფიცირებული, მათგან ჯერ არც ერთი არ გამოჯანმრთელებულა.

წყარო: www.interpressnews.ge

კომენტარები
        მსგავსი სიახლეები