COVID - 19
22-04-2020 14:22

მარნეულის რამდენიმე სოფელში აქციები გაიმართა

მარნეულის რამდენიმე სოფელში აქციები გაიმართა

მარნეულის მუნიციპალიტეტის რამდენიმე სოფელში აქციები გაიმართა. ადგილობრივი მოსახლეობა მათი მოსავლის სრულად რეალიზებასა და გზების გახსნას ითხოვს. მათი თქმით, უნდათ, გადაადგილება შეძლონ და საკუთარი პროდუქტის რეალიზება თავად მოახდინონ.

ამასთან, ადგილობრივი მოსახლეობა უკმაყოფილებას გამოთქვამს იმის გამო, რომ ზოგადად, გადაადგილება ეზღუდებათ. მათ სპეციალურად მოწყობილი გამშვები პუნქტების გახსნა სურთ და მარნეულის მუნიციპალიტეტზე კარანტინის მოხსნას ითხოვენ.

მოსახლეობასთან შესახვედრად მივიდნენ ქვემო ქართლის გუბერნატორი შოთა რეხვიაშვილი და მარნეულის მუნიციპალიტეტის მერი ზაურ დარგალი. ისინი გაეცნენ მოსახლეობის მოთხოვნებს. გუბერნატორის განცხადებით, ადგილობრივების პროდუქტის სრული რეალიზაცია განხორციელდება. ადგილზე სატვირთო ავტომობილებით იმყოფებიან, ასევე იმ კომპანიის წარმომადგენლები არიან, რომლებიც მოსახლეობისგან პროდუქტს ყიდულობენ.

[ წყარო - https://1tv.ge ]

კომენტარები
        მსგავსი სიახლეები