COVID - 19
30-04-2020 14:07

თსსუ-ს პირველ საუნივერსიტეტო კლინიკას დღეს კორონავირუსისგან გამოჯანმრთელებული ხუთი პაციენტი დატოვებს, რომელთაგან ორი მოზარდია

თსსუ-ს პირველ საუნივერსიტეტო კლინიკას დღეს კორონავირუსისგან გამოჯანმრთელებული ხუთი პაციენტი დატოვებს, რომელთაგან ორი მოზარდია

თბილისის სახელმწიფო სამედიცინო უნივერსიტეტის პირველ საუნივერსიტეტო კლინიკას კორონავირუსისგან გამოჯანმრთელებული ხუთი პაციენტი დატოვებს. როგორც კლინიკის ხელმძღვანელმა ლევან რატიანმა ჟურნალისტებს განუცხადა, ხუთივე პაციენტთან მიმართებით ჩატარდა განმეორებითი ტესტირება და პასუხი უარყოფითი მიიღეს. მისივე განმარტებით, ხუთი გამოჯანმრთელებულიდან ორი არის მოზარდი, 14 და 15 წლის.

მისივე ინფორმაციით, პირველ საუნივერსიტეტო კლინიკაში, ამ ეტაპზე 99 პაციენტია, აქედან ახალი კორონავირუსით ინფიცირებულია 83 პაციენტი, ხოლო რეანიმაციულ განყოფილებაში იმყოფება 8 ადამიანი.

„გვყავს 82 წლის ქალი, რომელიც არის შაქრიანი დიაბეტით, ორივე ქვემო კიდურის ამპუტაციით და მიკროანგიპათისს გამო გართულებული პრობლემებით. მინდა გითხრათ, რომ ეს ქალი აპარატიდან მოიხსნა, კონტაქტური და ადეკვატურია. ჰემოდინამიკა, სუნთქვის პარამეტრები სტაბილურია, რჩება ოქსიდენდამოკიდებულება. ეს მაგალითი რატომ მოვიყვანე?! მინდა გითხრათ, რომ ამ ქალს ბოლო 30 წელია აქვს შაქრიანი დიაბეტი, იმყოფება ინსულინთერაპიაზე. აი, კიდევ ერთი მაგალითია იმისა, რომ შაქრიანი დიაბეტი, სხვადასხვა ფორმებით გართულებული, კოვიდინფექციასთან შერწყმის შემთხვევაში არ წარმოადგენს მაღალი ლეტალობის ინდექსს“, - განაცხადა რატიანმა.

[ წყარო - https://www.interpressnews.ge ]

კომენტარები
        მსგავსი სიახლეები