19-05-2020 15:07

დიმიტრი ხუნდაძე - 22 მაისს ვწყვეტთ საგანგებო მდგომარეობას, მაგრამ აუცილებელია, მინიმალური შეზღუდვების შენარჩუნება საგანგებო მდგომარეობის გამოცხადების გარეშე

დიმიტრი ხუნდაძე - 22 მაისს ვწყვეტთ საგანგებო მდგომარეობას, მაგრამ აუცილებელია, მინიმალური შეზღუდვების შენარჩუნება საგანგებო მდგომარეობის გამოცხადების გარეშე

საქართველოს პარლამენტის ჯანდაცვის კომიტეტის თავმჯდომარის დიმიტრი ხუნდაძის განცხადებით, ეპიდემიოლოგიური ვითარებიდან გამომდინარე, აუცილებელია, მინიმალური შეზღუდვების გარკვეული დროით შენარჩუნება საგანგებო მდგომარეობის გამოცხადების გარეშე.

როგორც მან დღევანდელ ბრიფინგზე განაცხადა, ამისთვის აუცილებელია, დაზუსტდეს არსებული კანონმდებლობა, რის მიხედვითაც, მთავრობას ექნება უფლებამოსილება, რიგი შეზღუდვები შეინარჩუნოს.

დიმიტრი ხუნდაძის განმარტებით, აღნიშნული ცვლილებები დღეს ბიუროს წარედგინება. როგორც ის აღნიშნავს, საკომიტეტო განხილვების და კანონპროექტის მიღების შემდეგ, აღარ იქნება საჭირო საგანგებო მდგომარეობის კვლავ გამოცხადება და პარლამენტში მისი მხარდაჭერა.

„,მოგეხსენებათ, საქართველო, ისევე როგორც მთელი მსოფლიო მნიშვნელოვანი გამოწვევის წინაშე დგას. მიუხედავად გლობალურად მძიმე ეპიდემიოლოგიური ვითარებისა, ამ ეტაპზე საქართველომ ყველასთვის სასურველ შედეგს მიაღწია. პოზიტიური შედეგი სწორი სტრატეგიისა და დროული შეზღუდვების შედეგად იქნა მიღწეული. თუმცა, ჯანდაცვის მსოფლიო ორგანიზაციის მიერ გამოცხადებული პანდემია არ დასრულებულა, ინფექციის გავრცელების საფრთხე კვლავ არსებობს, რაზეც აქტიურად საუბრობენ დარგის აღიარებული სპეციალისტები. როგორც საზოგადოებისთვის ცნობილია, 22 მაისს ვწყვეტთ საგანგებო მდგომარეობას, მაგრამ ეპიდემიოლოგიური ვითარებიდან გამომდინარე, აუცილებელია, მინიმალური შეზღუდვების გარკვეული დროით შენარჩუნება საგანგებო მდგომარეობის გამოცხადების გარეშე. ამისთვის აუცილებლია, დაზუსტდეს არსებული კანონმდებლობა, რის მიხედვითაც, მთავრობას ექნება უფლებამოსილება, შეინარჩუნოს რიგი შეზღუდვები, მათ შორის საზღვრების ეპიდემიოლოგიური კონტროლი, საკარანტინო სივრცეების მართვა, საჭიროების შემთხვევააში, კლინიკებისა და ლაბორატორიების მობილიზება, საზოგადოებრივი ტრანსპორტით რეგულირება, პრევენციული ღონისძიებებისთვის აუცილებელი ზომების შემოღება, მაგალითად, პირბადეების ტარება, ფიზიკური დისტანცირება და ა.შ. ეს ცვლილებები წარედგინება დღეს ბიუროს და საკომიტეტო განხილვების შემდეგ, რა თქმა უნდა, განხილვა მოხდება სესიაზე და ამ კანონპროექტის მიღების შემდეგ, აღარ იქნება საჭირო საგანგებო მდგომარეობის კვლავ გამოცხადება და პარლამენტში მისი მხარდაჭერა. აქვე აღსანიშნავია, რომ საგანგებო მდგომარეობის გაუქმება გვაძლევს შესაძლებლობას, ხელი არ შეეშალოს საკონსტიტუციო ცვლილებების პროცესს. „ქართული ოცნების“ გუნდმა პოლიტიკური მოღვაწეობა დავიწყეთ ადამიანის ჯანმრთელობაზე ზრუნვით, რაც დღემდე მთავარ პრიორიტეტად რჩება. ამ ცვლილებების არსი სწორედ ამ მიზანს ემსახურება. ვაგრძელებთ ჩვენს თანამოქალაქეებზე ზრუნვას და მათი სიცოცხლის დაცვას“,-განაცხადა ხუნდაძემ.

ცნობისთვის, მთავრობას ქვეყანაში შემზღუდავი ღონისძიებების გატარება საგანგებო მდგომარეობის გამოცხადების გარეშეც შეეძლება. „საზოგადოებრივი ჯანმრთელობის შესახებ" კანონში ცვლილებების პროექტის ინიცირება ბიუროს დღევანდელ სხდომაზე მოხდება. კანონპროექტის თანახმად, საკარანტინო ღონისძიებები ახლებურად განისაზღვრება და გულისხმობს ისეთ ღონისძიებებსაც, რაც დაკავშირებულია გადაადგილების, ეკონომიკური საქმიანობის, საკუთრების, თავშეყრის, შრომის და სხვა უფლებების შეზღუდვასთან.

[ წყარო - https://www.interpressnews.ge ]

კომენტარები
მსგავსი სიახლეები
დღის ბოლო სიახლეები
დაემატა: დღეს, 21:01
თურქეთის თავდაცვის მინისტრი - განვაგრძობთ აზერბაიჯანის სამხედრო ძალების დახმარებას და მხარდაჭერას
დაემატა: დღეს, 21:00
Ryanair-ის თვითმფრინავმა ბომბის შესახებ წერილის გამო საგანგებო დაშვება განახორციელა
დაემატა: დღეს, 20:58
უკრაინის საგარეო საქმეთა მინისტრი სააკაშვილზე - კერძო პირის განცხადებები ჩვენს ხალხებსა და სახელმწიფოებს შორის ურთიერთობებს ვერ დაანგრევს
დაემატა: დღეს, 18:31
ანატოლი ბიბილოვი - სისხლის სამართლის საერთაშორისო სასამართლოს ყველა ქმედება პოლიტიზირებულია, ის სამხრეთ ოსეთს საქართველოს ნაწილად განიხილავს
დაემატა: დღეს, 18:29
ეკა ბესელია დიმიტრი ხუნდაძეს - უვადოდ ხომ არ გავაუქმოთ პარლამენტი? საერთოდ პარლამენტს ხომ არ ჩამოვართვათ უფლება, აკონტროლოს მთავრობა?!
ყველა სიახლე
ინტერვიუ
ივანე ჩხაიძე: 2 წლამდე ასაკის ბავშვებისათვის ეკრანთან ურთიერთობა კატეგორიულად აკრძალულია!
01-07-2020 13:25
ივანე ჩხაიძე: 2 წლამდე ასაკის ბავშვებისათვის ეკრანთან ურთიერთობა კატეგორიულად აკრძალულია!
ვაჟა ბერიძე - ხედვების ერთობლიობა „ოცნების“  საქმიანობაში არ იკვეთება, არადა, ელექტორატის 40-45%  აუცილებლად დაუსვამს ივანიშვილს კითხვას - რას აპირებთ? რატომ უნდა დაგიჭიროთ მხარი?
26-06-2020 16:33
ვაჟა ბერიძე - ხედვების ერთობლიობა „ოცნების“ საქმიანობაში არ იკვეთება, არადა, ელექტორატის 40-45% აუცილებლად დაუსვამს ივანიშვილს კითხვას - რას აპირებთ? რატომ უნდა დაგიჭიროთ მხარი?
ლადო პაპავა - მოსახლეობა პოზიტიური დღის წესრიგის მოლოდინშია
26-06-2020 16:30
ლადო პაპავა - მოსახლეობა პოზიტიური დღის წესრიგის მოლოდინშია
რა სიახლეები დახვდებათ ამომრჩევლებს უბნებზე და როგორ ჩატარდება არჩევნები პანდემიის პირობებში?
11-06-2020 14:47
რა სიახლეები დახვდებათ ამომრჩევლებს უბნებზე და როგორ ჩატარდება არჩევნები პანდემიის პირობებში?