22-05-2020 21:11

საფრანგეთი სიძულვილის ენის რეგულირებას ტელევიზიების შემდეგ, ონლაინ მედიაშიც იწყებს

საფრანგეთი სიძულვილის ენის რეგულირებას ტელევიზიების შემდეგ, ონლაინ მედიაშიც იწყებს

საფრანგეთი ონლაინ მედიის რეგულაციას იწყებს. კერძოდ, საფრანგეთის ეროვნულმა ასამბლეამ ონლაინ პლატფორმებიდან სიძულვილის ენის შემცველი შინაარსის ამოღების ან დაბლოკვის შესახებ კანონი უკვე მიიღო. დოკუმენტი ძალაში 2020 წლის 1 ივლისს შევა.

ახალი კანონის თანახმად, ონლაინ პლატფორმებმა, მაგალითად: Youtube, Twitter, Facebook, Google და სხვა, უნდა ამოიღონ, ან დაბლოკონ სიძულვილის ენის შემცველი მესიჯები საკუთარი პლატფორმებიდან.

რეგულაციის მიხედვით, ონლაინ გამოცემებმა რეაგირება მომხმარებლის მიმართვიდან 24 საათში უნდა მოახდინონ, წინააღმდეგ შემთხვევაში აღნიშნული პლატფორმები 250,000 ევროთი დაჯარიმდებიან, თუ საქმე სასამართლომდე მივიდა ჯარიმა შესაძლოა 1,25 მილიონ ევრომდეც გაიზარდოს. მსგავსი რეგულაცია ევროპის კიდევ ერთმა ქვეყანამ, გერმანიამ 2017 წელს მიიღო.

კანონის მიხედვით, სიძულვილის ენის შემცველ მესიჯებად მიიჩნევა ისეთი მესიჯები, რომლებიც: აღვივებს სიძულვილს, შეიცავს პედოფილიის ნიშნებს, ან შეიცავს შეურაცხმყოფელ შინაარსს რასობრივი, რელიგიური, ეთნიკური, სექსუალური ორიენტაციის ნიშნით; ხელს უწყობს, ან აქეზებს ტერორიზმს; ლახავს ადამიანის ღირსებას; შეურაცხყოფს გენდერულ იდენტურობას, შეიცავს საომარი მოქმედებებისკენ მოწოდებას.

კანონის მიხედვით ტერორიზმის წამქეზებელი, ან პედოფილიის ნიშნების შემცველი შინაარსის მესიჯები ონლაინ გამოცემებმა უნდა აიღონ, ან დაბლოკონ არა 24 საათში, არამედ სახელმწიფო ორგანოების ჩარევით შეტყობინების მიღებიდან 1 საათში.

სასამართლოებს, რომლებიც გასცემენ კონტენტის დაბლოკვის, ან პლატფორმებიდან ამოღების ბრძანებას, ექნებათ უფლებამოსილება პროვაიდერ კომპანიებს იმ ვებ-გვერდებზე და სერვერებზე დაშვების შეზღუდვა მოთხოვონ, რომლებიც არ შეასრულებენ კანონის მოთხოვნას. აღნიშნული კანონის მიღებას საფრანგეთში აზრთა სხვადასხვაობა მოჰყვა. მოწინააღმდეგეების აზრით, კანონი ძალიან მკაცრ ვალდებულებებს უსაზღვრავს ონლაინ პლატფორმებს, თუმცა აღნიშნული მოსაზრებები საფრანგეთის ეროვნულმა ასამბლეამ არ გაითვალისწინა.

ონლაინ მედია ვალდებული იქნება დაიცვას საფრანგეთის მედიის მარეგულირებლის CSA-ს რეკომენდაციები, უკანონო მესიჯების პლატფორმებიდან ამოღების ვალდებულების სათანადოდ შესრულების შესახებ, ასევე ექნებათ ვალდებულება უკანონო კონტენტის ამოღების შესახებ მოსახლეობის ინფორმირებულობის მიზნით გაავრცელონ შეტყობინება. ონლაინ პლატფორმებს დაევალებათ შეტყობინების ერთიანი სისტემის ჩამოყალიბება, რომელიც პირდაპირ ხელმისაწვდომი იქნება სიძულვილის შემცველი კონტენტის გასაჩივრების მსურველებისათვის; ვალდებულების ნაწილია სათანადო ზომების მიღება სწრაფი რეაგირების მოხდენის მიზნით, ასევე, ისეთი პირების გამოყოფა რომლებიც პასუხისმგებლები იქნებიან სასამართლოებისა და უმაღლესი აუდიოვიზუალური საბჭოს მოთხოვნების მიღებასა და შესრულებაზე.

ახალი კანონი ითვალისწინებს ჯარიმას იმ პირებზეც, რომლებიც ბოროტად გამოიყენებენ გასაჩივრების საშუალებას და გაასაჩივრებენ კონტენტს, რომელიც არ შეიცავს უკანონო მესიჯებს, ასეთ პირებს შესაძლოა 15 ათას ევრომდე ჯარიმა დაეკისროთ.

ახალი კანონის შესრულებას საფრანგეთის კომუნიკაციების მარეგულირებელი უწყება გააკონტროლებს, უმაღლეს აუდიოვიზუალურ საბჭოს ექნება უფლება დარღვევის შემთხვევაში ონლაინ პლატფორმებს დააკისროს ფულადი ჯარიმა მათი მთლიანი წლიური ბრუნვის მაქსიმუმ 4%-ის ოდენობით. საბჭო აგრეთვე უფლებამოსილია შეიმუშაოს სახელმძღვანელო წესები და ვალდებულია, უზრუნველყოს წლიური ანგარიშგების მომზადება იმის შესახებ, თუ როგორ ასრულებენ ონლაინ პლატფორმები კანონის მოთხოვნებს.

წყარო: „Imedinews“

[ მეორე წყარო - https://marshalpress.ge ]

კომენტარები
მსგავსი სიახლეები
დღის ბოლო სიახლეები
დაემატა: დღეს, 14:14
„მიწის ნაკვეთებზე მოთხოვნა გაიზარდა“ - რა ღირს მიწის ნაკვეთი თბილისსა და მის შემოგარენში
დაემატა: დღეს, 14:12
ადა მარშანია - მიხეილ სააკაშვილი დადის სხვადასხვა ქვეყანაში და ახალი პროვოკაციების კერას ქმნის, რა გახდა დამნაშავის ჩამოყვანა და მისი გასამართლება
დაემატა: დღეს, 14:11
ადა მარშანია - 120/30-ზე მოდელი არ არის ის, რასაც „ქართული ოცნება“ დაგვპირდა, თუმცა მაინც სჯობს არსებულ სისტემას, საკონსტიტუციო ცვლილებებს ჩვენ მხარს დავუჭერთ
დაემატა: დღეს, 14:10
საქართველოში შეიქმნება მეცნიერების მუდმივმოქმედი ჯგუფი, რომელიც კორონავირუსის პანდემიასთან დაკავშირებულ საკითხებზე იმუშავებს
დაემატა: დღეს, 12:29
თბილისის მერია ღია კაფეებს მიმდებარედ არსებული მუნიციპალური ფართობების გამოყენების უფლებას აძლევს
ყველა სიახლე
ინტერვიუ
ხათუნა ლაგაზიძე - „ოცნება“ ცეცხლს კი არა, ქარიშხალს ეთამაშება
19-05-2020 14:56
ხათუნა ლაგაზიძე - „ოცნება“ ცეცხლს კი არა, ქარიშხალს ეთამაშება
ვაჟა ოთარაშვილი: ტაძარი არ არის ენ-ჯე-ოს ოფისი, რომ დაკეტო. ტაძარი გულია, რომლის გაჩერებაც არ შეიძლება!
08-04-2020 16:37
ვაჟა ოთარაშვილი: ტაძარი არ არის ენ-ჯე-ოს ოფისი, რომ დაკეტო. ტაძარი გულია, რომლის გაჩერებაც არ შეიძლება!
ირაკლი გოგავა: ინდუსტრიის გარეშე არ არსებობს არც ერთი განვითარებული სახელმწიფო. სხვაგვარად სიღარიბისთვის ვართ განწირულნი
13-02-2020 15:26
ირაკლი გოგავა: ინდუსტრიის გარეშე არ არსებობს არც ერთი განვითარებული სახელმწიფო. სხვაგვარად სიღარიბისთვის ვართ განწირულნი
ვაჟა ბერიძე - თუ ივანიშვილმა ვერ მოძებნა საზოგადოებასთან მისვლის გზა, არ გაარკვია მის რომელ ნაწილს წარმოადგენს, სავარაუდოდ, ოპოზიციის სცენარი განხორციელდება
11-02-2020 19:55
ვაჟა ბერიძე - თუ ივანიშვილმა ვერ მოძებნა საზოგადოებასთან მისვლის გზა, არ გაარკვია მის რომელ ნაწილს წარმოადგენს, სავარაუდოდ, ოპოზიციის სცენარი განხორციელდება