30-05-2020 19:05

საბურთალოს კლასტერის ინფიცირების პირველადი წყარო შესაძლოა ექიმი იყოს

საბურთალოს კლასტერის ინფიცირების პირველადი წყარო შესაძლოა ექიმი იყოს

საბურთალოს კლასტერის ინფიცირების პირველადი წყარო შესაძლოა იყოს ჩემი კოლეგა, სამედიცინო მუშაკი, - ამის შესახებ ჟურნალისტებს დაავადებათა კონტროლის ეროვნული ცენტრის დირექტორმა, ამირან გამყრელიძემ განუცხადა.

მისივე თქმით, შეზღუდვების შემსუბუქების შემდეგ შემთხვევების მატება მოსალოდნელი იყო, თუმცა ეს არაა ისეთი მატება, რომელსაც სისტემა ვერ გაუმკლავდება.

„გუშინწინ დადასტურებული 2 შემთხვევის, ამ ე.წ. საბურთალოს კლასტერის კონტაქტების კვლევა ინტენსიურად მიმდინარეობს, 50-მდე ადამიანი გამოკვლეულია. 9-ს ასევე დაუდგინდა კორონავირუსი და კვლევა ამ წუთებშიც გრძელდება. ინფიცირებულები არიან გადაყვანილები საავადმყოფოებში, კონტაქტები კი თბილისის საკარანტინო სივრცეებში. კლასტერის ინფიცირების პირველადი წყარო შესაძლოა იყოს ჩემი კოლეგა, სამედიცინო მუშაკი, შემდეგ კი ინფექცია ოჯახსა და ოჯახის ახლო კონტაქტებში გავრცელდა. დღესაც იღებენ დამატებით ნიმუშებს და ტარდება ჩაღრმავებული კვლევა. ამ კლასტერში სულ 11 წევრია. შეზღუდვების შემსუბუქების შემდეგ შემთხვევების მატება მოსალოდნელი იყო, თუმცა ეს არაა ისეთი მატება, რომელსაც ჩვენ ვერ გავუმკლავდებით. ნუ მივეცემით პანიკას, შემსუბუქების პერიოდში ეს ყველა ქვეყანაში მოხდა და შესაძლოა ჩვენთანაც მოხდეს. ამ პერიოდში აუცილებლად უნდა დავიცვათ უკვე ცნობილი რეკომენდაციები. ამუშავდა ტრანსპორტი - მობილობის ყველაზე ძლიერი მექანიზმი. გუშინ ვაკვირდებოდი ქალაქში და გამიხარდა, რომ ბევრ ავტობუსში რეკომენდაციები იყო დაცული. მოვუწოდებ მოსახლეობას - ამ ეტაპზე ეპიდსიტუაცია არის სრულად მართვადი. გვექნება ახალი შემთხვევები - ეს არაა დიდი პრობლემა. ეს არის მართვადი, მაგრამ ძალაში რჩება სლოგანი - უნდა ვისწავლოთ თანაცხოვრება ამ ვირუსთან ერთად და დავიცვათ წესები“, - განაცხადა გამყრელიძემ.

საქართველოში კორონავირუსი 757 ადამიანს დაუდასტურდა, აქედან 600 უკვე გამოჯანმრთელდა. საქართველოში კორონავირუსით გარდაიცვალა 12 ადამიანი. ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31 მარტიდან კი - საყოველთაო კარანტინის რეჟიმი.

ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.

21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა.

[ წყარო - https://imedinews.ge ]

კომენტარები
მსგავსი სიახლეები
დღის ბოლო სიახლეები
დაემატა: დღეს, 16:39
ზეგანაკვეთური სამუშაოს ანაზღაურება შესაძლოა, ხელფასის საათობრივი განაკვეთის გაზრდილი ოდენობით მოხდეს
დაემატა: დღეს, 16:38
„ქართული ოცნების“ საარჩევნო შტაბის ხელმძღვანელად პარტიის აღმასრულებელი მდივანი ირაკლი კობახიძე დაინიშნა
დაემატა: დღეს, 16:37
მნიშვნელოვანი ცვილილება - სემეკს ენერგოკომპანიების წილის გასხვისების დაბლოკვა შეეძლება
დაემატა: დღეს, 16:33
პრეზიდენტის თქმით, საქართველომ საოკუპაციო ხაზთან ევროკავშირის სადამკვირვებლო მისიის სამოქმედო არეალის გაზრდაზე უნდა იმუშაოს
დაემატა: დღეს, 16:33
პაატა იმნაძე: რეგულარული ფრენები კორონავირუსით ინფიცირების რისკს გაზრდის, მაგრამ ამ რისკების მართვა შეიძლება
ყველა სიახლე
ინტერვიუ
ივანე ჩხაიძე: 2 წლამდე ასაკის ბავშვებისათვის ეკრანთან ურთიერთობა კატეგორიულად აკრძალულია!
01-07-2020 13:25
ივანე ჩხაიძე: 2 წლამდე ასაკის ბავშვებისათვის ეკრანთან ურთიერთობა კატეგორიულად აკრძალულია!
ვაჟა ბერიძე - ხედვების ერთობლიობა „ოცნების“  საქმიანობაში არ იკვეთება, არადა, ელექტორატის 40-45%  აუცილებლად დაუსვამს ივანიშვილს კითხვას - რას აპირებთ? რატომ უნდა დაგიჭიროთ მხარი?
26-06-2020 16:33
ვაჟა ბერიძე - ხედვების ერთობლიობა „ოცნების“ საქმიანობაში არ იკვეთება, არადა, ელექტორატის 40-45% აუცილებლად დაუსვამს ივანიშვილს კითხვას - რას აპირებთ? რატომ უნდა დაგიჭიროთ მხარი?
ლადო პაპავა - მოსახლეობა პოზიტიური დღის წესრიგის მოლოდინშია
26-06-2020 16:30
ლადო პაპავა - მოსახლეობა პოზიტიური დღის წესრიგის მოლოდინშია
რა სიახლეები დახვდებათ ამომრჩევლებს უბნებზე და როგორ ჩატარდება არჩევნები პანდემიის პირობებში?
11-06-2020 14:47
რა სიახლეები დახვდებათ ამომრჩევლებს უბნებზე და როგორ ჩატარდება არჩევნები პანდემიის პირობებში?