COVID - 19
17-06-2020 18:57

9 ახალი შემთხვევიდან ერთის ინფიცირების წყარო უცნობია

9 ახალი შემთხვევიდან ერთის ინფიცირების წყარო უცნობია

გუშინდელი მონაცემებით 879 გვყავდა დადასტურებული, დაგვემატა 9 ახალი შემთხვევა და არის 888, გამოჯანმრთელებული შვიდია, ამ მონაცემების შეჯერებით ამ ეტაპზე კოვიდცენტრებში 143 პაციენტი მკურნალობს, - ამის შესახებ ინფექციური საავადმყოფოს სამედიცინო დირექტორმა, მარინა ეზუგბაიამ ჟურნალისტებს განუცხადა.

„9 ახალი დადასტურებული შემთხვევიდან 2 გახლავთ დაავადებულთან კონტაქტი, 6 საკარანტინო სივრციდან ყველა შემოტანილი შემთხვევა და ამ 6-დან სამი სატვირთო ავტომანქანის მძღოლია. მხოლოდ ერთი შემთხვევაა, რომლის წყაროს მოძიება გრძელდება“, - აღნიშნა მარინა ეზუგბაიამ.

საქართველოში კორონავირუსი 888 ადამიანს დაუდასტურდა, აქედან 731 უკვე გამოჯანმრთელდა, 14 ადამიანი კი გარდაიცვალა.

ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31 მარტიდან კი - საყოველთაო კარანტინის რეჟიმი.

ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.

21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა.

[ წყარო - https://imedinews.ge/ ]

კომენტარები
        მსგავსი სიახლეები