COVID - 19
19-06-2020 12:51

2 ახალი შემთხვევიდან ერთი დადასტურებულთან კონტაქტია, მეორე კი შემოტანილია

2 ახალი შემთხვევიდან ერთი დადასტურებულთან კონტაქტია, მეორე კი შემოტანილია

დაგვემატა მხოლოდ 2 დადასტურებული შემთხვევა და 895 გვაქვს, გამოჯანმრთელებული 739, აქაც მხოლოდ 2 დაგვემატა და არის 741. ამ მონაცემებით ამ ეტაპზე კოვიდცენტრებში 140 პაციენტი მკურნალობს, - ამის შესახებ ინფექციური საავადმყოფოს სამედიცინო დირექტორმა, მარინა ეზუგბაიამ ჟურნალისტებს განუცხადა.

„2 ახალი შემთხვევიდან ერთი არის კონტაქტი დადასტურებულ შემთხვევასთან, ხოლო მეორე შემოტანილია", - აღნიშნა მარინა ეზუგბაიამ.

საქართველოში კორონავირუსის 895 დადასტურებული შემთხვევაა, მათ შორის გამოჯანმრთელებულია 741. გარდაცვლილია - 14.

ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31 მარტიდან კი - საყოველთაო კარანტინის რეჟიმი.

ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.

21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა.

[ წყარო - https://imedinews.ge/ ]

კომენტარები
        მსგავსი სიახლეები