COVID - 19
24-06-2020 12:08

BBC: ჩრდილოეთ კორეამ სამხრეთ კორეის წინააღმდეგ „სამხედრო მოქმედების“ გეგმა შეწყვიტა

BBC: ჩრდილოეთ კორეამ სამხრეთ კორეის წინააღმდეგ „სამხედრო მოქმედების“ გეგმა შეწყვიტა

ჩრდილოეთ კორეამ სამხრეთ კორეის წინააღმდეგ „სამხედრო მოქმედების“ გეგმა შეწყვიტა, - ამის შესახებ BBC ჩრდილოეთ კორეის სახელმწიფო მედიაზე დაყრდნობით წერს.

გამოცემის ცნობით, ჩრდილოეთ კორეის ცენტრალურ სამხედრო კომისიის მიერ გამართულ შეხვედრას კიმ ჩენ ინი უძღვებოდა. შეხვედრის შემდეგ ცნობილი გახდა, კომისიამ სამხრეთ კორეის წინააღმდეგ „სამხედრო მოქმედების“ შეჩერების გადაწყეტილება მიიღო.

ჩრდილოეთ და სამხრეთ კორეას შორის ურთიერთობა ჩრდილოეთ კორეის ლიდერ კიმ ჩენ ინსა და აშშ-ის პრეზიდენტ დონალდ ტრამპს შორის ბირთვულ შეიარაღებასთან დაკავშირებულ მოლაპარაკებები ჩაშლის შემდეგ დაიძაბა.

გასულ კვირას ჩრდილოეთ კორეამ სამხრეთ კორეის საზღვართან, ქალაქ კესონთან ერთობლივი სამეკავშირეო ოფისი ააფეთქა და დემილიტარიზაციის ზონაში ჯარის გაგზავნით დაიმუქრა.

ფხენიანის განმარტებით, ამ მოქმედების მიზეზი სამხრეთ კორეელების მიერ ჩრდილოეთ კორეის ხელისუფლების საწინააღმდეგო პროკლამაციების გავრცელება დაასახელა.

ორი დღის წინ კი ჩრდილოეთ კორეის ხელისუფლებამ განაცხადა, რომ სამხრეთ კორეის წინააღმდეგ 12 მილიონი პროკლამაცია დაამზადეს.

წყარო : imedinews.ge

კომენტარები
        მსგავსი სიახლეები