COVID - 19
24-06-2020 15:02

ჰასან როუჰანი: მზად ვართ აშშ-თან მოლაპარაკებებისთვის, თუ აშშ 2015 წლის ბირთვული შეთანხმებიდან გასვლისთვის ბოდიშს მოიხდის

ჰასან როუჰანი: მზად ვართ აშშ-თან მოლაპარაკებებისთვის, თუ აშშ 2015 წლის ბირთვული შეთანხმებიდან გასვლისთვის ბოდიშს მოიხდის

ირანის პრეზიდენტმა, ჰასან როუჰანიმ განაცხადა, რომ ქვეყანა მზად არის აშშ-სთან მოლაპარაკებებისთვის იმ შემთხვევაში, თუ აშშ 2015 წლის ბირთვული შეთანხმებიდან გასვლისთვის ბოდიშს მოიხდის.

„რაც შეეხება აშშ-სთან მოლაპარაკებებს, ჩვენ ამის პრობლემა არ გვაქვს. თუმცა, საამისოდ აშშ-მა ბირთვული შეთანხმების ფარგლებში აღებული ვალდებულებები სრულად უნდა შეასრულოს, ბოდიში მოიხადოს და ზარალი აგვინაზღაუროს შეთანხმების დატოვებისთვის“, - განაცხადა ირანის პრეზიდენტმა.

მისივე თქმით, აშშ-ის მხრიდან მოლაპარაკებებისკენ მოწოდებები მხოლოდ სიტყვებია.

„ევროპელებმა ვერ შეასრულეს თავიანთი დანაპირები. მათ ნაკისრი ვალდებულებები უნდა შეასრულონ“, - დასძინა ჰასან როუჰანიმ.

ირანმა და ექვსმა შუამავალმა ქვეყანამ 2015 წლის 14 ივლისს ისტორიულ შეთანხმებას მიაღწიეს, რომლის საფუძველზეც ირანს აშშ-ის, ევროკავშირის და გაეროს უშიშროების საბჭოს მიერ დაწესებული ეკონომიკური და ფინანსური სანქციები მოეხსნებოდა. ეს გეგმა 2016 წლის 16 იანვრიდან ამოქმედდა. თუმცა ვაშინგტონი ირანის ბირთვული შეთანხმებიდან გავიდა და ირანს სანქციები დაუწესა, რომელთა ახალი პაკეტიც 1 ნოემბერს ამოქმედდა.


წყარო : imedinews.ge

კომენტარები
        მსგავსი სიახლეები