COVID - 19
26-06-2020 19:53

ჰუბერტ ქნირშის თქმით, უგულავასა და ოქრუაშვილის შეწყალება პოლიტიკური დაძაბულობის შემცირების მცდელობა იყო

ჰუბერტ ქნირშის თქმით, უგულავასა და ოქრუაშვილის შეწყალება პოლიტიკური დაძაბულობის შემცირების მცდელობა იყო

უგულავა-ოქრუაშვილის გათავისუფლება პარტიებს შორის დაძაბულობის შემცირების მცდელობა იყო, ეს არის შეწყალება და არა გათავისუფლება, - ასე უპასუხა ჰუბერტ ქნირშმა ჟურნალისტების კითხვას იმის შესახებ, თუ რატომ გაათავისუფლეს პოლიტიკოსები, თუ ამას 8 მარტის შეთანხმება არ ითვალისწინებს. გერმანიის ელჩის თქმით, პრეზიდენტის მხრიდან მათი შეწყალება ვითარების დამშვიდების მცდელობა იყო.

„რა თქმა უნდა, მოლაპარაკებების დროს, პოლიტიკური დიალოგის დროს, 8 მარტამდე ყველა ეს სახელი იყო ნახსენები. ისინი იყვნენ იმ შეშფოთების ნაწილი, რომლებსაც ოპოზიციური პარტიები გამოხატავდნენ. უნდა ითქვას, ეს არის შეწყალება და არა გათავისუფლება. შეწყალება არის ის, რაც შეიძლება კანონიერად მოხდეს ნებისმიერ ქვეყანაში. ეს იყო პოლიტიკურ პარტიებს შორის დაძაბულობის შემცირების მცდელობა. ასე დავინახეთ ჩვენ ის და ასე მივესალმეთ ამას“, - განმარტა ელჩმა.

ამასთან, ქნირშმა დღეს განაცხადა, რომ გიორგი რურუა 8 მარტის შეთანხმებაში ნახსენები არ არის.

ოპოზიცია და ხელისუფლება 8 მარტს 2020 წლის არჩევნების 120/30-ზე მოდელით ჩატარებაზე შეთანხმდნენ. შესაბამის შეთანხმებას მხარეებმა აშშ-ის ელჩის რეზიდენციაში გამართულ შეხვედრაზე მიაღწიეს.

რა დოკუმენტებს მოაწერეს ხელი აშშ-ის საელჩოში გამართული შეხვედრის მონაწილეებმა, წაიკითხეთ ამ ბმულზე.

[ წყარო - https://imedinews.ge/ ]

კომენტარები
        მსგავსი სიახლეები