COVID - 19
02-07-2020 12:43

ნენსი პელოსი რუსეთისთვის სანქციების გამკაცრებას ითხოვს

ნენსი პელოსი რუსეთისთვის სანქციების გამკაცრებას ითხოვს

აშშ-ს კონგრესის წარმომადგენელთა პალატი სპიკერი ნენსი პელოსი პრეზიდენტ ტრამპს რუსეთისთვის დამატებითი სანქციების დაწესებისკენ მოუწოდებს. ამის შესახებ New York Times-ი წერს.

გამოცემის ინფორმაციით, პელოსი მიიჩნევს, რომ როდესაც მოსკოვი თალიბებს ამერიკელ სამხედროებზე თავდასხმას უკვეთავს, პრეზიდენტის ვალია, საკუთარი სამხედრო მოსამსახურეები დაიცვას და რუსეთს დაუყოვნებლივ დაუწესოს სანქციები.

26 ივნისს გამოცემა New York Times-მა სკანდალური სტატია გამოაქვეყნა, რომელშიც ნათქვამია, რომ მოსკოვი თალიბებს ავღანეთში ამერიკელი სამხედროების ლიკვიდაციას ავალებდა, რაშიც სოლიდურ გასამრჯელოს სთავაზობდა. შუამავლის როლს კი მოსკოვსა და „თალიბანს“ შორის მოლაპარაკებებში ავღანელი კონტრაბანდისტი და ნარკომოვაჭრე რაჰმათულა აზიზი ასრულებდა.


წყარო : imedinews.ge

კომენტარები
        მსგავსი სიახლეები