COVID - 19
04-07-2020 14:45

ბრალდებული მორაგბეების ადვოკატის განცხადებით, გიორგი შაქარაშვილის საქმეზე გამოკითხულია 10-მდე ახალი მოწმე და ასევე, დართულია ახალი ვიდეომასალებიც

ბრალდებული მორაგბეების ადვოკატის განცხადებით, გიორგი შაქარაშვილის საქმეზე გამოკითხულია 10-მდე ახალი მოწმე და ასევე, დართულია ახალი ვიდეომასალებიც

ფეხბურთელ გიორგი შაქარაშვილის გარდაცვალების 10-ტომიან საქმის მასალებს კიდევ რამდენიმე ტომი დაემატა. აღნიშნულის შესახებ „ინტერპრესნიუსს“ ბრალდებული მორაგბეების, ვასილ მახარაძისა და არჩილ გაგნიძის ადვოკატმა, ვასილ მამულაშვილმა განუცხადა.

როგორც ის განმარტავს, მცხეთა-მთიანეთის პოლიციის დეპარტამენტში მას საქმის ახალი მასალები გადასცეს. მამულაშვილის განცხადებით, საქმეზე გამოკითხულია 10-მდე ახალი მოწმე და ასევე, დართულია ახალი ვიდეომასალებიც.

თუ რა ინფორმაციას აწვდიან გამოძიებას ახალი მოწმეები, ეს ადვოკატისთვის ჯერ უცნობია, რადგან მასალებს არ გაცნობია.

შეგახსენებთ, რომ 19 ივნისს, დაახლოებით 11:00 საათზე, გიორგი შაქარაშვილის დაკარგვის შესახებ ოჯახმა შინაგან საქმეთა სამინისტროს მიმართა. პოლიციამ, სამაშველო სამსახურთან ერთად, შეტყობინების მიღებისთანავე დაიწყო სამძებრო სამუშაოები. 4-დღიანი საძიებო სამუშაოების შედეგად, მყვინთავებმა ფეხბურთელ გიორგი შაქარაშვილის ცხედარი წყალში იპოვეს.

აღნიშნულ საქმეზე 17 პირია დაკავებული.


წყარო : https://www.interpressnews.ge/

კომენტარები
        მსგავსი სიახლეები