COVID - 19
06-07-2020 15:32

ბექა ფერაძემ განმარტა, თუ რა მოთხოვნები უნდა დააკმაყოფილონ სავარჯიშო დარბაზებმა გახსნის უფლების მისაღებად

ბექა ფერაძემ განმარტა, თუ რა მოთხოვნები უნდა დააკმაყოფილონ სავარჯიშო დარბაზებმა გახსნის უფლების მისაღებად

შრომის პირობების ინსპექტირების დეპარტამენტის უფროსმა, ბექა ფერაძემ მთავრობის ადმინისტრაციაში გამართულ ბრიფინგზე განმარტა, თუ რა მოთხოვნები უნდა დააკმაყოფილონ სავარჯიშო დარბაზებმა, რომ მომხმარებელთა მიღებისა და მომსახურების ნებართვა მიიღონ.

ბექა ფერაძის განცხადებით, ყოველ 6 კვადრატულ მეტრზე ერთი ადამიანის დაშვება და ჯგუფურ ვარჯიშებში 10 ადამიანზე მეტის ჩართვა არ იქნება ნებადართული.

მისივე განცხადებით, ეს რეკომენდაციები ჯერ კიდევ ფორმირების პროცესშია და დღის განმავლობაში გამოქვეყნდება.

მოთხოვნების სია ასეთია:

ყოველ 6 კვადრატულ მეტრზე ერთი ადამიანის დაშვება იქნება ნებადართული;

დიდი მნიშვნელობა მიენიჭება ვენტილაციას, უპირატესობა ექნება ბუნებრივ ვენტილაციას;

დალაგების შემდეგ, სივრცე ორპირი ქარის პირობებში უნდა განიავდეს;

საშხაპეები შესაბამისი ტიხრებით უნდა იყოს გამოყოფილი;

კარადები ერთის გამოტოვებით უნდა იყოს მოხმარებული;

პირსახოცები ერთჯერად შეფუთვაში უნდა მოთავსდეს;

ასევე, წესდება ლიმიტი ჯგუფური ვარჯიშების შემთხვევაში - არაუმეტეს 10 ადამიანით უნდა წარიმართოს პროცედურა.

საცურაო აუზები და სპორტდარბაზები შრომის ინსპექციის შემოწმების შემდეგ გაიხსნება, - აღნიშნული გადაწყვეტილება პრემიერ-მინისტრის ხელმძღვანელობით მოქმედმა უწყებათაშორისმა საკოორდინაციო საბჭომ დღევანდელ სხდომაზე მიიღო.

შრომის პირობების ინსპექტირების დეპარტამენტი ხვალიდან, მოთხოვნის შესაბამისად დაიწყებს დარბაზების შემოწმებას.

[ წყარო - https://imedinews.ge/ ]

კომენტარები
        მსგავსი სიახლეები