09-07-2020 15:38

სომხეთის მოქალაქეს, რომელიც გურჯაანის მუნიციპალიტეტში ატმის შესაძენად ჩავიდა, კორონავირუსი დაუდგინდა

სომხეთის მოქალაქეს, რომელიც გურჯაანის მუნიციპალიტეტში ატმის შესაძენად ჩავიდა, კორონავირუსი დაუდგინდა

Imedinews-ის ინფორმაციით, სომხეთის მოქალაქეს, რომელიც გურჯაანის მუნიციპალიტეტის სოფელ ჩუმლაყში ატმის შესაძენად ჩავიდა, კორონავირუსზე დადებითი პასუხი დაუდგინდა. ინფორმაციას გურჯაანის საზოგადოებრივ ცენტრში ადასტურებენ. მას COVID-19-ზე თავდაპირველად ნიმუში საზღვარზე შემოსვლის მომენტშიც აუღეს, თუმცა მაშინ ტესტმა ვირუსი არ დაადასტურა.

უცხო ქვეყნის მოქალაქის ადგილსამყოფელს სპეციალისტებმა გუშინვე დროულად მიაკვლიეს. ის გადაყვანილია ბოჭორიშვილის კლინიკაში, სადაც ამ წუთებში მკურნალობის კურსს გადის. მისი ჯანმრთელობის მდგომარეობა სტაბილურია.

ეპიდემიოლოგები ახლა კონტაქტების დადგენას ცდილობენ. მათი განმარტებით, ეს არის იმპორტირებული შემთხვევა და წყაროს დადგენა ფაქტობრივად, შეუძლებელია.

ამ თემაზე, 14:00 საათზე, დაავადებათა კონტროლისა და საზოგადოებრივი ჯანმრთელობის ეროვნული ცენტრის კახეთის განყოფილების ხელმძღვანელი, ნელი ხიზანიშვილი ჟურნალისტებისთვის ბრიფინგს გამართავს.

საერთო ჯამში ქვეყანაში კორონავირუსი 968 ადამიანს დაუდასტურდა, აქედან 844 უკვე გამოჯანმრთელდა, 15 ადამიანი კი გარდაიცვალა.

ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31 მარტიდან კი - საყოველთაო კარანტინის რეჟიმი.

ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.

21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა.


[ წყარო - https://imedinews.ge/ ]

კომენტარები
მსგავსი სიახლეები
დღის ბოლო სიახლეები
დაემატა: დღეს, 13:35
ირაკლი ღარიბაშვილი: ხელისუფალი, რომელიც ქვეყანას ვერ აარიდებს ოკუპაციას, არ იმსახურებს არათუ ხელისუფლებაში დაბრუნებას, არამედ - პოლიტიკაში დარჩენას
დაემატა: დღეს, 13:33
ეკატერინე ტიკარაძის განცხადებით, განათლების სამინისტროს აქვს დეტალური გაიდლაინები სწავლის პროცესის წარმართვასთან დაკავშირებით
დაემატა: დღეს, 13:30
სოფელ ყარაჯალარში საკარანტინო რეჟიმი გაუქმდა
დაემატა: დღეს, 13:28
კორონავირუსის 25 ახალი შემთხვევიდან 17 სამეგრელო-ზემო სვანეთში დადასტურდა
დაემატა: დღეს, 11:29
საერთაშორისო დონორები ლიბანს 250 მილიონ ევროს გამოუყოფენ
ყველა სიახლე
ინტერვიუ
ივანე ჩხაიძე: 2 წლამდე ასაკის ბავშვებისათვის ეკრანთან ურთიერთობა კატეგორიულად აკრძალულია!
01-07-2020 13:25
ივანე ჩხაიძე: 2 წლამდე ასაკის ბავშვებისათვის ეკრანთან ურთიერთობა კატეგორიულად აკრძალულია!
ვაჟა ბერიძე - ხედვების ერთობლიობა „ოცნების“  საქმიანობაში არ იკვეთება, არადა, ელექტორატის 40-45%  აუცილებლად დაუსვამს ივანიშვილს კითხვას - რას აპირებთ? რატომ უნდა დაგიჭიროთ მხარი?
26-06-2020 16:33
ვაჟა ბერიძე - ხედვების ერთობლიობა „ოცნების“ საქმიანობაში არ იკვეთება, არადა, ელექტორატის 40-45% აუცილებლად დაუსვამს ივანიშვილს კითხვას - რას აპირებთ? რატომ უნდა დაგიჭიროთ მხარი?
ლადო პაპავა - მოსახლეობა პოზიტიური დღის წესრიგის მოლოდინშია
26-06-2020 16:30
ლადო პაპავა - მოსახლეობა პოზიტიური დღის წესრიგის მოლოდინშია
რა სიახლეები დახვდებათ ამომრჩევლებს უბნებზე და როგორ ჩატარდება არჩევნები პანდემიის პირობებში?
11-06-2020 14:47
რა სიახლეები დახვდებათ ამომრჩევლებს უბნებზე და როგორ ჩატარდება არჩევნები პანდემიის პირობებში?