COVID - 19
15-07-2020 16:33

პრეზიდენტის თქმით, საქართველომ საოკუპაციო ხაზთან ევროკავშირის სადამკვირვებლო მისიის სამოქმედო არეალის გაზრდაზე უნდა იმუშაოს

პრეზიდენტის თქმით, საქართველომ საოკუპაციო ხაზთან ევროკავშირის სადამკვირვებლო მისიის სამოქმედო არეალის გაზრდაზე უნდა იმუშაოს

სალომე ზურაბიშვილი ოკუპანტების მიერ ზაზა გახელაძის დაჭრისა და გატაცების ფაქტს გამოეხმაურა. როგორც პრეზიდენტმა ჟურნალისტებს განუცხადა, საქართველომ ყველაფერი უნდა გააკეთოს ევროკავშირის სადამკვირვებლო მისიის მოქმედების არეალის გასაზრდელად.

„საქართველოს ხელისუფლებამ მხოლოდ ერთი რამ უნდა მოიმოქმედოს. ეს არის ის, რომ ევროკავშირის სადამკვირვებლო მისია გავააქტიუროთ და ის, რასაც ვითხოვ, რამდენი ხანია, ვიმუშაოთ, რომ მისი სამოქმედო არეალი გაიზარდოს. ეს არის ის, რაც არის დღეს ჩვენს შესაძლებლობებში და აუცილებელია, რომ ყველა კუთხით ვიმოქმედოთ ამ მიმართულებით”, - განაცხადა ზურაბიშვილმა.

ოკუპანტებმა ზაზა გახელაძე 11 ივლისს დაჭრეს და დააკავეს. ოჯახის წევრების ინფორმაციით, ის ახალგორიდან ცხინვალში გადაიყვანეს.

ბოლო წლების განმავლობაში ეს პირველი შემთხვევაა, როდესაც დაკავების დროს მშვიდობიანი მოქალაქის წინააღმდეგ საოკუპაციო რეჟიმმა ცეცხლსასროლი იარაღი გამოიყენა. კაცი ფეხშია დაჭრილი. საოკუპაციო ხაზთან მომხდარ ინციდენტთან დაკავშირებით ინფორმირებულია ევროკავშირის სადამკვირვებლო მისია. ამოქმედებულია ცხელი ხაზი.

[ წყარო - https://imedinews.ge/ ]

კომენტარები
        მსგავსი სიახლეები