COVID - 19
19-07-2020 15:27

მერკელმა, მაკრონმა და კონტემ ლიბიისათვის იარაღის მიწოდებაზე სანქციების დაწესება დაანონსეს

მერკელმა, მაკრონმა და კონტემ ლიბიისათვის იარაღის მიწოდებაზე სანქციების დაწესება დაანონსეს

გერმანია, იტალია და საფრანგეთი მზად არიან განიხილონ სანქციების შემოღების საკითხი იმ ქვეყნებისათვის, რომლებიც არ დაიცავენ გაერთიანებული ერების ორგანიზაციიის მიერ დაწესებულ სანქციებს ლიბიისთვის იარაღის მიწოდებაზე – ნათქვამია ანგელა მერკელის, ემანუელ მაკრონის და ჯუზეპე კონტეს მიერ, ერთობლივად გავრცელებულ კომუნიკეში რომელიც სამი ქვეყნის ლიდერმა ბრიუსელში მიმდინარე ევროსამიტზე მოლაპარაკებისას მიიღეს.
« ჩვენ გვაერთიანებს დღევანდელი საგანგაშო მდგომარეობა, დაძაბულობის ზრდის ტემპები ლიბიაში და სიტუაციის ესკალაცია მთლიანად რეგიონში, ამიტომ მოვუწოდებთ ლიბიის კონფლიქტში მონაწილე ყველა მხარეს, ასევე მათ მხაარდამჭერ ყველა უცხოელ მოთამაშეს, სასწრაფოდ შეწყვიონ საბრძოლო მოქმედებები და გამალებული შეიარაღება, მთელი ქვეყნის მასშტაბით » – აღნიშნულია გერმანიის ფედერაციული რელპუბლიკის კანცლერის, საფრანგეთის პრეზიდენტის და იტალიის პრემიერ მინისტრის ერთობლივ განცხადებაში.
სამი ევროპული ქვეყნის ლიდერმა, მოუწოდა ყველა « უცხოელ მოთამაშეს» სასწრაფოდ შეწყვიტონ ლიბიის კონფლიქტში ჩარევა და მლიანად დაიცვან გაეროს უშიშროების საბჭოს მიერ შემოღებული სამხედრო ემბარგო.

განცხადებაში ასევე აღნიშნულია რომ, ევროკავშირმა წამოაყენა ინიციატივა დაიწყოს ოპერაცია სახელწოდებით IRINI ლიბიის კონფლიქტში მონაწილე მხარეებისათვის იარაღის მიწოდების აკრძალვის გასაკონტროებლად.

ანგელა მერკელი, ემანუელ მაკრონი და ჯუზეპე კონტე გამოდიან ინიციატივით სასწრაფოდ დაიწყოს მოლაპარაკება ფორმულით 5 +5 (კონფლიქტში მონაწილე მხარეებიდან ხუთ ხუთი წარმომადგენელი) ცეცხლის შეწყვეტის თაობაზე. სამი ქვეყნის ლიდერმა ერთობლივ განცხადებაში მოუწოდა გაერთიანებული ერების ორგანიზაციას, სასწრაფოდ დანიშნოს სპეცწარმომადგენელი ლიბიის საკითხებში და შეიმუშაოს მექანიზმი დემილიტარიზებული ზონების შესაქმნელად.

საფრანგეთის, იტალიის და გერმანიის სახელმწიფოს მეთაურთა განცხადებაში აღნიშნულია რომ, ლიბიის კონფლიქტის მოგვარება დაფუძნებული უნდა იყოს 2020 წლის 19 იანვრის ბერლინის კონფერენციის გადაწყვეტილებაზე რომლის თანახმადაც ლიბიაში ერთიანი მავრობა უნდა ჩამოყალიბდეს, ამასანავე მოიხსნას ბლოკადა ნავთობის ობიექტებზე და საწვავის ნედლეულიდან შემოსული თანხა თანაბრად გადანაწილდეს ქვეყნის მოსახლეობაზე.

წყარო : https://genews.eu/

კომენტარები
        მსგავსი სიახლეები