COVID - 19
14-11-2019 19:02

"საქართველოს პატრიოტთა ალიანსი„ უწყვეტ საპროტესტო აქციებს იწყებს

"საქართველოს პატრიოტთა ალიანსი„ უწყვეტ საპროტესტო აქციებს იწყებს

„საქართველოს პატრიოტთა ალიანსის“ ლიდერები უწყვეტ საპროტესტო აქციებს იწყებს - განცხადება პარტიის გენერალურმა მდივანმა ირმა ინაშვილმა საგანგებო ბრიფინგზე გააჟღერა.


როგორც ინაშვილმა აღნიშნა მათი მთავარი მოთხოვნა იქნება „ქართულმა ოცნებამ“ დატოვოს ხელისუფლება.


„ცნობილია, რომ საქართველოში 73 საარჩევნო ოლქია და ყველა ამ ოლქში „ქართულმა ოცნებამ“ გაამარჯვებინა საკუთარ მაჟორიტარ დეპუტატებს. პირადად მე, გაყალბების გზით ორჯერ წამართვეს გამარჯვება საგარეჯოს არჩევნებში. საგარეჯოს რაონში მოსახლეობას დღესაც მე ვგონივარ მათი მაჟორიტარი დეპუტატი და დახმარებისთვის ხშირად მომმართავენ.



ქართული ოცნება დაჰპირდა ამომრჩეველს, რომ არჩევნები ჩატარდებოდა პროპორციეული წესით, მაგრამ ხელისუფლებამ დღევანდელი ნაბიჯით განახორციელა ძალაუფლების უზურპაცია.


ჩვენ ამ ვითარებაში გადავდივართ უწყვეტ საპროტესტო აქციებზე. პირველი აქცია გაიმართება კვირას, 17 ნოემბერს, 17:00 საათზე, თბილისში, რესპუბლიკის მოედანზე, სასტუმრო ივერიასთან. აქციების მთავრი მოთხოვნა იქნება: „ქართულმა ოცნებამ“ დატოვოს ხელისუფლება!


პირველ რიგში მოვუწოდებ ჩვენს მხარდამჭერებს, რომ მშვიდად, ჭკვიანურად, ბრძნულად ვიმოქმედოთ და გამოვაცხადოთ მაქსიმალური მობილიზაცია. ასევე განურჩევლად ყველა პარტიის მხარდამჭერს მოვუწოდებ შემოუერთდნენ ჩვენს აქციას“, - განაცხადა ირმა ინაშვილმა ბრიფინგზე.

წყარო - obieqtivi.info

კომენტარები
        მსგავსი სიახლეები