COVID - 19
24-07-2020 17:52

მარინა ეზუგბაია: კორონავირუსის ახალი შემთხვევებიდან 8 ლილოს ბაზრობაზეა გამოვლენილი

მარინა ეზუგბაია: კორონავირუსის ახალი შემთხვევებიდან 8 ლილოს ბაზრობაზეა გამოვლენილი

კორონავირუსით ინფიცირების 19 ახალი შემთხვევიდან სამის წყარო უცნობია, - ამის შესახებ ჟურნალისტებს ინფექციური საავადმყოფოს სამედიცინო დირექტორმა, მარინა ეზუგბაიამ განუცხადა.

მისივე თქმით, ახალი შემთხვევებიდან 8 ლილოს ბაზრობაზეა გამოვლენილი, 5 - განჩიანიდანაა, 2 შემთხვევა იმპორტირებულია და მათგან ერთი სატვირთოს მძღოლია, ხოლო ინფიცირებულთაგან ერთი სამედიცინო პერსონალია.

ამჟამად კოვიდცნტრებში კი 214 პციენტი მკურნალობს.

საქართველოში კორონავირუსის 19 ახალი შემთხვევა გამოვლინდა, 1 პაციენტი კი გამოჯანმრთელდა.

ამ დროისთვის საქართველოში კორონავირუსის 1104 შემთხვევაა დადასტურებული, გამოჯანმრთელებულია 912 ადამიანი, 16 პაციენტი კი გარდაიცვალა.

ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31 მარტიდან კი - საყოველთაო კარანტინის რეჟიმი.

ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.

21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა.

წყარო : https://imedinews.ge/

კომენტარები
        მსგავსი სიახლეები