COVID - 19
28-07-2020 17:09

საქართველოს მოქალაქეებს ლიეტუვაში ჩასვლისას 14-დღიანი თვითიზოლაცია აღარ მოუწევთ

საქართველოს მოქალაქეებს ლიეტუვაში ჩასვლისას 14-დღიანი თვითიზოლაცია აღარ მოუწევთ

საქართველოს მოქალაქეებს ლიეტუვაში ჩასვლისას 14 -დღიანი თვითიზოლაციის გავლა აღარ მოუწევთ, – ამის შესახებ საქართველოში ლიეტუვის საელჩო ავრცელებს ინფორმაციას.

„ლიეტუვის ჯანდაცვის მინისტრის გადაწყვეტილებით, რომელიც ასევე წარმოადგენს ლიეტუვის ეროვნული გადაუდებელი ოპერაციების ხელმძღვანელს, 2020 წლის 25 ივლისიდან, საქართველოს მოქალაქეები და საქართველოს ტერიტორიაზე ლეგალურად მცხოვრები რეზიდენტები აღარ საჭიროებენ სავალდებულო 14-დღიანი თვითიზოლაციის გავლას ლიეტუვაში ჩასვლისას. აღნიშნული გადაწყვეტილება შესაძლოა გადაიხედოს ეპიდემიური სიტუაციის გაუარესების შემთხვევაში“, – ნათქვამია საქართველოში ლიეტუვის საელჩოს მიერ გავრცელებულ ინფორმაციაში.

საქართველო არის 12 ქვეყანას შორის, რომელიც ევროკომისიამ „კოვიდისგან“ უსაფრთხოდ დაასახელა და ევროკავშირის ქვეყნებს საზღვრის გახსნის რეკომენდაცია მისცა. ასევე, საქართველომ, თავის მხრივ, ამ ეტაპზე საზღვარი გაუხსნა ხუთ ქვეყანას, მათ შორის, ლიეტუვასაც.

წყარო : https://1tv.ge/

კომენტარები
        მსგავსი სიახლეები