COVID - 19
10-08-2020 13:35

ირაკლი ღარიბაშვილი: ხელისუფალი, რომელიც ქვეყანას ვერ აარიდებს ოკუპაციას, არ იმსახურებს არათუ ხელისუფლებაში დაბრუნებას, არამედ - პოლიტიკაში დარჩენას

ირაკლი ღარიბაშვილი: ხელისუფალი, რომელიც ქვეყანას ვერ აარიდებს ოკუპაციას, არ იმსახურებს არათუ ხელისუფლებაში დაბრუნებას, არამედ - პოლიტიკაში დარჩენას

ხელისუფალი და ის გუნდი, რომელიც ქვეყანას ვერ აარიდებს ჩვენი ქართული ძირძველი ტერიტორიების დაკარგვას და ოკუპაციას, რა თქმა უნდა, ის არ იმსახურებს, არათუ ხელისუფლებაში დაბრუნებას, პოლიტიკაში დარჩენას, - ამის შესახებ განაცხადა საქართველოს თავდაცვის მინისტრმა ირაკლი ღარიბაშვილმა კახეთში, პოლიტიკური გაერთიანება „ქართული ოცნება-დემოკრატიული საქართველოს”, მიერ მოსახლეობისთვის მაჟორიტარი დეპუტატობის კანდიდატის წარდგენისას.

მისივე თქმით, ღირსეული მომავალი არ იქმნება ერთი ადამიანის ან ჯგუფის მიერ.

„ეს იქმნება ქართველ ხალხთან ერთად. 2012 წელს სწორედ ასეთი არჩევანის წინაშე იდგა ქართველი ხალხი და მაშინ გამოჩნდა ადამიანი, კაცი, რომელმაც მობილიზება გაუკეთე სრულიად საქართველოს, ბატონმა ბიძინა ივანიშვილმა. თქვენთან ერთად, ოცნების მეომრებო, შეძლო შეუძლებელი და დაამარცხა მოძალადე, მკვლელი და მჩაგვრელი სისტემა“, - განაცხადა ირაკლი ღარიბაშვილმა.

მისივე თქმით, ამ თემაზე სასაუბროსდ იგი დღეს არ მისულა მათთან, მაგრამ თუ დაივიწყებენ წარსულს, დადგება იმის საფრთხე, რომ მოსახლეობა, ქვეყანა დადგეს იმ დიდი განსაცდელის წინაშე, რომელიც 12 წლის წინ ქვეყანამ გამოსცადა.

„ტრაგედია, 2008 წლის აგვისტოს ომი არის ის დიდი ტკივილი, ის უბედურება, რომელიც სააკაშვილის მჩაგვრელმა ხელისუფლებამ ვერ აარიდან ჩვენს ღირსეულ ხალხს. შედეგად ჩვენ მივიღეთ ათაიათასობით დევნილი მოსახლეობა. 199-ზე მეტი დაკარგული სოფელი, ოკუპირებული ტერიტორიების დაკანონება და ოკუპანტის დაბრუნება საქართველოში. ეს რის მზიმე მემკვიდრეობა. ხელისუფალი და ის გუნდი, რომელიც ქვეყანას ვერ აარიდებს ჩვენი ქართული ძირძველი ტერიტორიების დაკარგვას და ოკუპაციას, რა თქმა უნდა, ის არ იმსახურებს, არათუ ხელისუფლებაში დაბრუნებას, პოლიტიკაში დარჩენას“, - განაცხადა ღარიბაშვილმა.

ერეკლე მეფის სასახლის შიდა ეზოში, პოლიტიკური გაერთიანებამ „ქართული ოცნება-დემოკრატიული საქართველო”, მოსახლეობას მაჟორიტარი დეპუტატობის კანდიდატი, ირაკლი ქადაგიშვილი წარუდგინა. წარდგენას „ქართული ოცნების“ გენერალური მდივანი კახა კალაძე, საქართველოს პრემიერ-მინისტრი გიორგი გახარია, პოლიტიკური მდივანი ირაკლი ღარიბაშვილი და „ქართული ოცნების“ სხვა ლიდერები ესწრებიან.

წყარო : https://imedinews.ge/

კომენტარები
        მსგავსი სიახლეები