COVID - 19
13-08-2020 13:13

მაიკ პომპეომ ბელარუსისთვის სანქციების დაწესება და ნავთობის მიწოდების შეჩერება დაუშვა

მაიკ პომპეომ ბელარუსისთვის სანქციების დაწესება და ნავთობის მიწოდების შეჩერება დაუშვა

აშშ-ის სახელმწიფო მდივანმა, მაიკ პომპეომ ბელარუსისთვის სანქციების დაწესება და ნავთობის მიწოდების შეჩერება დაუშვა.

„დარწმუნებული ვარ, რომ სანქციების შესაძლო დაწესებასა და ნავთობის მიწოდების შეჩერების საკითხს განვიხილავთ. განვიხილავთ იმას, თუ რა უნდა გავაკეთოთ არა მხოლოდ ცალმხრივ, არამედ მრავალმხრივ ჭრილში, რათა კარგი შედეგები მივიღოთ ბელარუსის მოქალაქეებისთვის. ამ ყველაფრის განსაზღვრა კიდევ მოგვიწევს. უნდა ვნახოთ, როგორ განვითარდება მოვლენები ბელარუსში“, - განაცხადა მაიკ პომპეომ „რადიო თავისუფლებისთვის“ მიცემულ ინტერვიუში.

აშშ-ის სახელმწიფო მდივანმა ასევე აღნიშნა, რომ აშშ ევროკავშირთან ერთად ითანამშრომლებს ბელარუსში განვითარებულ მოვლენებზე პასუხის შემუშავებაში.

ბელარუსში საპრეზიდენტო არჩევნები 9 აგვისტოს გაიმართა. ბელარუსის ცენტრალური საარჩევნო კომისიის წინასწარი მონაცემებით, ქვეყნის საპრეზიდენტო აჩევნებში ალექსანდრე ლუკაშენკოს ამომრჩეველთა 80.23%-მა დაუჭირა მხარი, ხოლო მის მთავარ მეტოქეს, სვეტლანა ტიხანოვსკაიას - 9.9%-მა.

წყარო : https://imedinews.ge/

კომენტარები
        მსგავსი სიახლეები