COVID - 19
15-08-2020 11:02

გაეროს უშიშროების საბჭომ ირანისთვის იარაღის მიწოდებაზე დაწესებული ემბარგოს გახანგრძლივებას მხარი არ დაუჭირა

გაეროს უშიშროების საბჭომ ირანისთვის იარაღის მიწოდებაზე დაწესებული ემბარგოს გახანგრძლივებას მხარი არ დაუჭირა

გაეროს უშიშროების საბჭომ არ დაუჭირა მხარი ამერიკულ რეზოლუციას, რომელიც ირანისთვის იარაღის მიწოდებაზე დაწესებული ემბარგოს გახანგრძლივებას ითვალისწინებდა, ქვეყნების უმეტესობამ კენჭისყრის დროს ხმის მიცემისგან თავი შეიკავა. ამის შესახებ უშიშროების საბჭოს თავმჯდომარე ქვეყნის - ინდოეთის მუდმივმა წარმომადგენელმა, დიან ტრიანშაჰ ჯანიმ განაცხადა.

„რეზოლუციას მხარი ორმა ქვეყანამ დაუჭირა, კიდევ 2 წინააღმდეგი იყო, 11-მა კი თავი შეიკავა“, - განაცხადა ჯანიმ. არსებული ინფორმაციით, რეზოლუციის მომხრეები აშშ და დომინიკის რესპუბლიკა, მოწინააღმდეგეები კი რუსეთი და ჩინეთი იყვნენ. თავი შეიკავა საფრანგეთმა, დიდმა ბრიტანეთმა, ბელგიამ, გერმანიამ, ვიეტნამმა, სამხრეთ აფრიკამ, ინდონეზიამ, ნიგერმა, სენტ-ვინსენტმა და გრენადინებმა, ტუნისმა და ესტონეთმა.

​ბირთვული შეთანხმების თანახმად, ირანისთვის იარაღის მიწოდებაზე დაწესებული ემბარგოს ​ვადა 2020 წლის 18 ოქტომბერს იწურება.

წყარო: imedinews.ge

კომენტარები
        მსგავსი სიახლეები